ЯҢАЛЫКЛАР
16 июльдә «Урал авиалинияләре» авиакомпаниясе Габдулла Тукай исемендәге «Казан» халыкара аэропортыннан Бишкек шәһәренә өстәмә авиарейслар куярга әзерләнә. Билгеләп үтик, бу алар өчен яңа маршрут булачак.
2023 елның гыйнвар-июнендә Татарстан Республикасында җәелгән «Россия тимер юллары» ААҖ челтәрендә йөк төяү 8,3 млн тонна тәшкил итте, бу узган елның шул ук чорындагы күрсәткечтән 1,9 % югарырак.
Бу көннәрдә Татарстан Республикасы транспорт һәм юл хуҗалыгы министры урынбасары Лилия Сәфиуллина Киров шәһәрендә «IV һәм V категориядәге автомобиль юлларын норматив хәлгә җиткерү буенча нәтиҗәле карарлар» фәнни-гамәли семинарында катнаша. Чара Федераль юл агентлыгы җитәкчесе урынбасары Игорь Костюченко, РАДОР Ассоциациясе генераль директоры Игорь Старыгин һәм башкалар катнашында уза.
Бүген “Татарстан” радиосында ТР транспорт һәм юл хуҗалыгы министры урынбасары Артем Чукин “Имин сыйфатлы юллар” илкүләм проектын гамәлгә ашыруның барышы турында сөйләде. «Хәзерге вакытта милли проект буенча юл эшләренең гомуми үтәлеше 50% тан артык», - дип хәбәр итте министр урынбасары.
Бүген Түбән Камада Торак сәясәте һәм инфраструктура үсеше комитеты, Икътисад, инвестицияләр һәм эшкуарлык комитеты һәм Комитет каршындагы эксперт советларының күчмә уртак утырышы булды. Чарада шулай ук ТР транспорт һәм юл хуҗалыгы министры Фәрит Хәнифов катнашты.
8 июльдән пассажирларга хезмәт күрсәтү сыйфатын яхшырту өчен 6301 номерлы Казан - Свияжск һәм 6306 номерлы Свияжск-Казан шәһәрара поезд маршрутлары шимбә һәм якшәмбе көннәрендә Тюрлема станциясенә кадәр барачак. Шул ук вакытта 6306 номерлы поезд маршрутының расписаниесе үзгәртелде.
6307 нче номерлы Казан - Свияжск шәһәрара поезды маршруты көн саен Албаба станциясенә кадәр озайтыла.
«Имин сыйфатлы юллар» милли проекты кысаларында Столбище - Атабай автомобиль юлы ремонтланды, Сүз Татарстан Республикасы Лаеш муниципаль районындагы 3,8 км - 4,9 км участогы турында бара. Автомобиль юлы IV техник категориягә туры килә, участокның озынлыгы 1,1 км тәшкил итә.
2023 елның 6 аенда Горький тимер юлы вокзалларыннан һәм станцияләреннән якынча 17,9 млн пассажир җибәрелгән (бу 2022 елның шул ук чорына карата +10,5%), шуларның 4 миллионы еракка йөрүче поезд пассажирлары (+16,8%), якын шәһәрара поездларда - 13,9 млн пассажир (+8,9%) узган.
8 июльдән пассажирларга хезмәт күрсәтү сыйфатын яхшырту максаты белән 6323нче номерлы Казан - Паратск шәһәрара поезды расписаниесе үзгәрәчәк.
Татарстан Республикасы Буа муниципаль районында «Казан – Ульяновск» - кондитер фабрикасы» автомобиль юлында 1,1 чакрым озынлыкта Карлы елгасы аша күпер төзекләндерелде. Төзекләндерү эшләре «Имин сыйфатлы юллар» милли проекты кысаларында үткәрелде.