ЯҢАЛЫКЛАР
Бөек татар шагыйре Габдулла Тукайның тууына 140 ел тулуны бәйрәм итү кысаларында «ЮВТ АЭРО» авиакомпаниясе һәм «Казан» Халыкара аэропорты 20-26 апрель көннәрендә узачак «Тукай атналыгы» дигән махсус акция башлап җибәрәләр.
Хезмәт күрсәтү сыйфатын яхшырту өчен 17 апрельдән 6436 нчы Казан – Кукмара шәһәр яны поезды Комаровлар тукталыш пунктында тукталачак.
Бүген ТР Хөкүмәте Йортында юл хәрәкәте иминлеген тәэмин итү буенча ТР Хөкүмәт комиссиясе утырышы узды. Аны Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе, юл хәрәкәте иминлеген тәэмин итү буенча Татарстан Республикасы Хөкүмәт комиссиясе рәисе урынбасары Шамил Гафаров үткәрде. Чарада ТР транспорт һәм юл хуҗалыгы министры Фәрит Хәнифов катнашты.
Татарстанның төбәк юлларында кайнар асфальт-бетон кулланып чокырларны ремонтлау эшләре башланды. Моңа 18 асфальт-бетон заводын эшләтеп җибәрү ярдәм итте. Аерым алганда, республиканың Әгерҗе, Алексеевск, Әлмәт, Балтач, Бөгелмә, Чүпрәле, Лаеш, Түбән Кама, Яңа Чишмә һәм башка районнарында заводлар эшли башлады.
Транспорт министры Андрей Никитин "Автомобиль транспортында һәм шәһәр җир өсте электр транспортында пассажирлар һәм багаж ташу кагыйдәләрен раслау турында" боерыкка кул куйды. 2026 елның 1 сентябрендә үз көченә керә торган документ пассажир транспортының уңайлырак һәм технологик эшләвенә нигез сала.
Татарстан Республикасында Казан шәһәренең сәнәгать һәм торак зоналары ягыннан М-12 «Восток» автомобиль юлына өстәмә транспорт агымын тәэмин итү һәм гамәлдәге юллар челтәрен бушату максатларында «Тормыш өчен инфраструктура» илкүләм проекты кысаларында Казаннан өстәмә чыгу юлын – Казан – Оренбург (Лаеш төене) автомобиль юлы дублерын төзү буенча масштаблы проект гамәлгә ашырыла.
2025 елда Татарстанның түләүле юллары буйлап 6 904 606 транспорт чарасы узган: 1 666 499 «Алексеевск - Әлмәт» автобанында һәм 5 238 107 Вознесенсие трактының икенче этабында. "Алексеевск - Әлмәт" тә уртача тәүлеклек йөреш 6 мең автомобиль тәшкил итә, Вознесенсие трактының икенче этабында — 14 мең транспорт чарасы.
Горький тимер юлы терминаллары 2026 елның гыйнвар-март айларында 1 млн тоннага якын йөк эшкәрткән, шуларның 88,1 мең тоннасы Тихорецкаяда.
24 апрельдә «Җиңү диктанты» Халыкара тарихи-патриотик акциясе узачак. Быел Габдулла Тукай ис. «Казан» Халыкара аэропорты янәдән аэропорт хезмәткәрләре, авиакомпания вәкилләре, экипаж әгъзалары һәм, әлбәттә инде, пассажирлар өчен тарихи белемнәрне тикшерү өчен уникаль мәйданчык булып торачак.
2026 ел башыннан компания полигонында 19 яңа билет басу автоматы урнаштырылган. Хәзерге заман автоматлары Казан-1, Восстание, Юдино, Васильево, Идел посты, Яшел Үзән, Зөя, Әмәт, Компрессорный, Арча, Яр Чаллы, Ижевск һәм Сарапул станцияләрендә һәм тукталыш пунктларында урнашкан.