ЯҢАЛЫКЛАР
Бүген Теләче авылында Татарстан Республикасы транспорт һәм юл хуҗалыгы министры Фәрит Хәнифов һәм Теләче муниципаль районы башлыгы Айрат Фәтхуллин Бөек Ватан сугышы ветераннарын, тыл хезмәтчәннәрен һәм барлык кунакларны бәйрәм белән котладылар. Фәрит Хәнифов тыныч күк йөзе, бәхет, сәламәтлек һәм озын гомер теләде. Министр шулай ук Татарстан Республикасы Рәисенең котлавын укыды.
Горький тимер юлы 1941-1945 еллардагы Бөек Ватан сугышында Җиңүнең 81 еллыгына багышланган концерт программалары сериясен башлап җибәрә. Концертлар 9 майда магистральнең эре вокзалларында узачак.
Ел саен Җиңү көне алдыннан Татарстан Республикасы транспорт һәм юл хуҗалыгы Министрлыгы Бөек Ватан сугышы ветераннарын һәм тыл хезмәтчәннәрен — җиңүне якынайтып кына калмыйча, озак еллар республиканың транспорт комплексында хезмәт куйганнарны аеруча җылы котлый.
Татарстан Республикасында Җиңүнең 81 еллыгын бәйрәм итү елында төбәк һәм җирле юлларда ремонт эшләре, шулай ук юл инфраструктурасын төзекләндерү чаралары узачак. Эшләр «Тормыш өчен инфраструктура» илкүләм проекты һәм федераль һәм төбәк финанславы булган башка программалар буенча башкарылачак.
12 майдан Татарстан Республикасы Түбән Кама муниципаль районында 10,7 – 13,9 км участогында Кама Аланы – Шереметьевка автомобиль юлы буйлап транспорт хәрәкәте вакытлыча ябыла. Монда юлга капиталь ремонт ясалачак. Чикләү 2026 елның 31 августына кадәр гамәлдә булачак.
Халыкка транспорт хезмәте күрсәтүнең сыйфатын арттыру максатында Горький тимер юлына – «Россия тимер юллары» ААҖ филиалына җитештерүче завод тарафыннан ЭПЗД сериясендәге ике яңа электропоезд җибәрелде, алар «Содружество» АҖ шәһәр яны пассажир компаниясе тарафыннан Казан-Ижевск – Казан маршрутында искергән ЭД9М серияле электропоездлар урынына файдаланылачак.
«Россия – Ислам дөньясы: КАЗАНФОРУМ» XVII Халыкара икътисадый форумы вакытында чарада катнашучыларны транспорт белән тәэмин итү оештырылды. Форумны уздыру чорында кунакларны йөртү өчен 45 берәмлек автобус, 40 берәмлек микроавтобус һәм 240 берәмлек автомобиль җәлеп ителәчәк.
Бүген Казан дәүләт архитектура-төзелеш университетында ТР транспорт һәм юл хуҗалыгы министры Фәрит Хәнифов, ТР транспорт һәм юл хуҗалыгы министры урынбасары Ранис Фәйзуллин, КДАТУның фәнни-техник эшчәнлек буенча проректоры Евгений Вдовин һәм КДАТУның транспорт корылмалары институты директоры Алексей Фомин республика территориясендә юл төзелешендә яңа материаллар һәм технологияләр куллану буенча киңәшмә үткәрделәр.
Горький магистрале хезмәткәрләре Бөек Ватан сугышында Җиңүнең 81 еллыгы алдыннан мемориаль объектларны төзекләндерү буенча киң күләмле эш башкардылар.
«ЮВТ АЭРО» авиакомпаниясе 19 майдан башлап Казан белән Томск арасында үзенең даими рейсларын яңарту турында игълан итә. Яңа расписание атнага ике тапкыр — сишәмбе һәм җомга көннәрендә башкарылачак.