ЯҢАЛЫКЛАР
«Метроэлектротранс» МУПнең күмәк килешүе буенча конференция булып узды. Анда эшкә алу, эштән чыгару, хезмәтне саклау, эш режимы, кадрлар әзерләү, һ.б. мөһим мәсьәләләр турында фикер алышынды.
Федераль юлларда һәм төбәк юлларында автотранспорт хәрәкәтенә чикләмә булмады. Республикада су агымының хәле тыныч. Күперләрне су басу һәм су юып алып китү куркынычы юк. Буа районында кече сулыкларда су биеклеге тәүлек эчендә 0,2 м кимеде.
Хәзер Әлмәттә шәһәрнең барлык троллейбус маршрутларында йөргән өчен электрон транспорт картасы белән түләргә була. Транспорт картасы буенча йөрү бәясе 1 сумга арзанрак.
26 марттан 31 майга кадәр автомобиль транспорты өчен Усады - Столбищи автомобиль юлында тимер юл аркылы чыгу урыны ябылачак.
25 мартта сәгать 10.00-16.00 кадәр рельс юлларын уңайлы режимга кертү буенча эшләр алып бару сәбәпле Аэропорт - Столбищи автомобиль юлында тимер юл аркылы чыгу урыны ябылачак.
“Казан” Халыкара аэропортында узган киңәшмәдә Идел буе федераль округында авиация ярдәмендә пассажирлар һәм йөк ташуны үстерү проектын гамәлгә ашыруга әзерлек мәсьәләләре буенча фикер алыштылар.
Бүген РФ Президентының Идел буе федераль округындагы вәкаләтле вәкиле Михаил Бабич, РФ транспорт министры Максим Соколов, ТР Премьер-министры Илдар Халиков катнашында "Европа-Көнбатыш Кытай" халыкара транспорт коридорын формалаштыру мәсьәләләренә багышланган киңәшмә булып узды. Киңәшмә эшендә шулай ук ТР Транспорт һәм юл хуҗалыгы министры Ленар Сафин, Федераль юл агентлыгы, “Россия автомобиль юллары” дәүләт компаниясе, РФ төбәкләре вәкилләре, һ.б катнашты.