ЯҢАЛЫКЛАР

Пенза депосыннан электровоз машинисты Сергей Гоштынар “Бөек Ватан сугышында Җиңүнең 70 еллыгына 70 поезд” акциясен уздыру инициативасы белән чыкты һәм беренче булып поезд үткәрергә һәм хезмәт хакын Куйбышев магистрале ветераннарына һәм пенсионер-тимерьюлчыларына ярдәм итү фондына күчерергә әзер булуын әйтте.

2014 елда Горький тимер юлы, ГТЮ территориясендәге “РТЮ” ААҖ филиаллары һәм бүлендек җәмгыятьләре төбәк һәм җирле бюджетларга 12,2 миллиард сум акча күчерделәр.

“Татарстан Республикасындагы иң яхшы уйлап табулар” бәйгесе нәтиҗәләре буенча “Татнефть” компаниясе эшләнмәләре бүләкләргә һәм премияләргә лаек булды.

2015 нче елның 1-11 гыйнварында Казан, Яшел Үзән, Чебоксар, Йошкар-Ола һәм Канашның билет кассаларында ерак араларга йөрүче поездларга 22961 билет сатылган, бу узган ел белән чагыштырганда 85% тәшкил итә.

Карның күп явуы Горький магистрале эшенә зыян китермәде. Тимерьюлчыларның көйле эшләүләре ярдәмендә поездлар расписание буенча хәрәкәт иттеләр.

12-13 гыйнварда Татарстан Республикасы территориясендә 51 исерек килеш транспорт чарасы белән идарә итүче ачыкланган. Шулай ук, юл хәрәкәте кагыйдәләрен бозып каршы як юлга чыгуның 109 очрагы, 105 очрак – балаларны махсус балалар утыргычы белән җиһазландырылмаган транспортта йөртү һәм 1042 очрак - куркынычсызлык каешын эләктермәү теркәлгән.

Татарстан буенча муниципальара маршрутларга мониторинг системасында 175 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә 4 тапкыр тизлек режимы бозылган. Маршруттан тайпылуның 55 очрагы һәм контроль ноктага соңга калуның 123 очрагы теркәлгән.

“Буран” оператив планы 13 гынвар киченә дә гамәлдә. Хәзерге вакытта республикада 674 берәмлек техника юлларны чистарта, шул исәптә 498 берәмлеге төбәк юлларында.

Профилактика һәм аңлату эшләре алып баруга карамастан тимер юллар аша чыгу урыннарында юл-транспорт һәлакатләре саны арта. Чагыштыру өчен: 2013 елда Казан регионында булган 9 ЮТҺнең 4се Татарстанга туры килә, 2014 елда 12 ЮТҺнең 5се Татарстанда теркәлгән. Фаҗигаларга китергән төп сәбәп - автомобиль йөртүчеләрнең юл хәрәкәте кагыйдәләрен үтәмәве.

Татарстан буенча муниципальара маршрутларга мониторинг системасында 168 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә тизлек режимы бозылмаган. Маршруттан тайпылуның 59 очрагы һәм контроль ноктага соңга калуның 117 очрагы теркәлгән. Республика юлларында 771 берәмлек юл техникасы эшләгән, шул исәптә төбәк юлларында - 570.