ЯҢАЛЫКЛАР

Казанда 23 нче июньнән алып 12 нче ноябрьгә кадәр Нокса тыкрыгы буенча, Гали Динмөхәммәтов урамыннан Луговая урамына кадәрге участокта, хәрәкәт ябылачак.

Казанның “Көньяк” автовокзалы яңа Казан-Яр Чаллы рейсы оештыра. Маршрут юл барышында Чистай, Кама Аланы һәм Түбән Камага кереп чыгачак. Рейс Казаннан 08.35 кузгала.

ТР Гидрометеорология һәм әйләнә-тирә мохит мониторингы идарәсе хәбәренә караганда, бүген сәгать 18.00 алып иртәгә 18.00 кадәр республикада һава торышы бозылуы көтелә. 

“Буревестник” автовокзалы Чистайда автобус билетлары сату өчен яңа касса пункты ачылуы турында хәбәр итә. Ул Карл Маркс ур., 61 нче йорт адресы буенча урнашкан (“МИР” сәүдә үзәге бинасында).

Татарстан Республикасы территориясендә 19-21 июньдә 94 исерек килеш транспорт чарасы белән идарә итүче ачыкланган. Шулай ук, юл хәрәкәте кагыйдәләрен бозып каршы як юлга чыгуның 104 очрагы, 154 очрак – балаларны махсус балалар утыргычы белән җиһазландырылмаган транспортта йөртү һәм 1462 очрак - куркынычсызлык каешын эләктермәү теркәлгән.

Татарстан буенча муниципальара маршрутларга мониторинг системасында 267 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә маршруттан тайпылуның 43 очрагы теркәлгән.

Казанның 151 нче мәктәбе укучысы Эмиль Ногайбәков XII Техник иҗат буенча юл күргәзмә-бәйгесендә икенче призлы урынга ия булды.

Бүген ТР Транспорт һәм юл хуҗалыгы министрлыгында министр урынбасары Андрей Егоров рәислегендә дәүләт гражданлык хезмәте вакантлы вазифаларын биләүгә бәйге үткәрү буенча комиссия утырышы булып узды.

Казанда 29 июньнән алып 27 июльгә кадәр Запорожская урамының түбәндәге участокларында транспорт хәрәкәте туктатыла: 17 нче номерлы йорты янындагы өлеше һәм Витебская, Тульская урамнары белән кисешкән урыннарда.

Казанда Т.Гыйззәт урамының 2 участогы транспорт хәрәкәте өчен этаплап ябылачак: 19-20 июньдә – Мәскәү урамыннан Г.Исхакый урамына кадәр өлеше һәм 24-30 июньдә - Б.Шаһиди урамында урнашкан 15 нче номерлы йорттан 17 нче номерлы йортка кадәрге өлеше.