ЯҢАЛЫКЛАР
Бүгенге көнгә төбәк әһәмиятендәге гомуми файдаланудагы автомобиль юлларында 163 мең кв. метрдан артык мәйданда чокырлар ремонтланган, шулардан 9 мең кв. метрдан артык мәйданда салкын асфальт – бетон, 128 мең кв. метрдан артык кайнар асфальт – бетон, 25 мең кв. метрдан артык коелган асфальт – бетон катнашмасы, 190 кв. метрдан артык карталар һәм 900 кв. м дан артык - агым-инъекция ысулы белән.
Хәрәкәт иминлеген тәэмин итү максатыннан Горький тимер юлы Восстание - Дәрвишләр аралыгында ремонт эшләре алып бара.
1941-1945 еллардагы Бөек Ватан сугышында Җиңүнең 80 еллыгын бәйрәм итү кысаларында Горький тимер юлында «Җиңү поезды» оештырылды.
Татарстан башкаласында «Тормыш өчен инфраструктура» илкүләм проекты буенча Совет районында Академик Арбузов урамыннан Халитов урамына кадәр 500 метр озынлыктагы һәм 4 полосалы Журналистлар урамы ремонтланачак.
Татарстан Республикасы муниципаль берәмлекләрендә Бөек Ватан сугышында Җиңүнең 80 еллыгын бәйрәм итүгә җәмәгать транспортын масштаблы брендлау буенча эш башкарылды. Хәрәкәт составын рәсмиләштерү метрода, автобусларда, троллейбусларда, трамвайларда һәм җәмәгать транспорты тукталышларында башкарылган.
Бүген кешенең космоска беренче очуына 64 ел тула. Бу вакыйга уңаеннан күп кенә төбәкләрдә төрле вакытта атаклы космонавтлар, Ватан космонавтикасы үсешенә һәм космоска очу белән бәйле вакыйгаларга зур өлеш керткән галимнәр хөрмәтенә аталган урамнар, парклар һәм скверлар барлыкка килде. Татарстан да искәрмә түгел. Республикада космик атамалы урамнарны илкүләм проект кысаларында тәртипкә китерәләр.
"Содружество" шәһәр яны пассажир компаниясе шәһәр яны поездларына билетлар сату өчен үз-үзеңә хезмәт күрсәтүнең яңа терминалларын эксплуатацияли башлады.
Бүген Алабуга автомобиль заводы юл-төзелеш продукциясен презентацияләде. Чарада Татарстан Республикасы Рәисе ярдәмчесе Равил Зарипов, ТР транспорт һәм юл хуҗалыгы министры Фәрит Хәнифов, РФ сәнәгать һәм сәүдә Министрлыгының төзелеш-юл, коммуналь һәм урман техникасы бүлеге башлыгы Егор Черников, «ЕлАЗ җитештерү берләшмәсе» АҖ генераль директоры Игорь Осянин, ТР башкарма комитетлары җитәкчеләре, лизинг, юл компанияләре вәкилләре катнашты.
«Тормыш өчен инфраструктура» илкүләм проекты буенча Татарстан Республикасы Балык Бистәсе муниципаль районының Ямаш авылында Ачису елгасы аша күпер реконструкцияләнәчәк. Чараны гамәлгә ашыру өчен РФ һәм ТР бюджетыннан 72 млн сум акча бүлеп бирелгән.
Аэрофлот җәй айларында Мәскәү һәм Санкт-Петербургтан Татарстанның Казан һәм Түбән Кама шәһәрләренә очышлар ешлыгын арттырачак.