Фәрит Хәнифов Яр Чаллыда Шильна елгасы аша күпер һәм Яшьлек проспекты буенча эшчеләр хәрәкәтен ачу тантанасында катнашты
Бүген Чаллы шәһәрендә Шильна елгасы аша күпер (Боровецкий күпере) һәм Яшьлек проспекты буенча капиталь ремонттан соң эшчеләр хәрәкәтен ачу тантанасы булды. Чарада Татарстан Республикасы транспорт һәм юл хуҗалыгы министры Фәрит Хәнифов һәм шәһәр мэры Наил Мәһдиев катнашты.
Яшьлек проспектына һәм Боровец күперенә капиталь ремонт ике илкүләм проект – «Имин сыйфатлы юллар» һәм аның дәвамчысы «Тормыш өчен инфраструктура» буенча башкарылган.
Фәрит Хәнифов барлык Чаллы халкын яңа объект ачылу белән котлады: «Чаллы шәһәре юбилеен бөтен матурлыгы белән каршылаячагына ышанам. Юлчыларыбызга рәхмәт! Минем шулай ук сезгә, Наил Гамбәр улы, һәм сезнең командага рәхмәт әйтәсем килә. Сез үз максатларыгызга ышаныч белән ирешә беләсез».
Наил Мәһдиев бу масштаблы эшләрдә катнашкан юл төзүчеләргә рәхмәт белдерде: "Безнең хезмәткәрләр үзләренең талантлары, осталыклары белән Яр Чаллы шәһәрендә тормыш уңайлырак булсын өчен барысын да эшлиләр. Республика һәм ил җитәкчелеге ярдәме белән акчалар федераль һәм республика бюджетыннан бүлеп бирелә. Без ил җитәкчелегенә, Россия Федерациясе Президентына, ил лидерыбыз Владимир Путинга Татарстан Республикасы өчен кирәкле һәм мөһим программалар өчен рәхмәтле. Без республика җитәкчелегенә, шәхсән Рөстәм Нургали улы Миңнехановка, транспорт һәм юл хуҗалыгы министрлыгына рәхмәтле".
Үткәрелгән ремонт – шәһәрнең 400 еллыгына һәм КамАЗның беренче йөк машинасын чыгаруга 50 ел тулуга зур бүләк, дип билгеләп үтте Наил Мәһдиев, төзүчеләрнең зур өлеш кертүен тагын бер кат ассызыклап.
Чара кысаларында предприятиеләрнең алдынгы хезмәткәрләрен бүләкләделәр.