ЯҢАЛЫКЛАР
13 февральдән Габдулла Тукай исемендәге «Казан» Халыкара аэропортында Төркиядә җир тетрәүдән зыян күрүчеләргә гуманитар ярдәм күрсәтү үзәге эшли башлаячак. Үзәк “Казан” аэропортының “Полет” кунакханәсендә 1 нче катта урнашкан.
Хәзер Татарстанның төбәк юлларында 327 берәмлек кар чистарту техникасы эшли. Төнлә юлларда 220 берәмлек техника хезмәт күрсәтте. Тәүлеккә 4900 тонна ком-тоз катнашмасы, 37 тонна тоз, 20 тоннадан артык тоз эремәсе кулланылган.
Бүген илебезнең гражданнар авиациясенә нигез салынуга 100 ел тула. Юбилей датасын бәйрәм итү турындагы Указны Россия Федерациясе Президенты Владимир Путин имзалады.
Татарстан Республикасы Транспорт һәм юл хуҗалыгы министрлыгы, шәһәрара юлларда пассажирлар ташуга тарифларны субсидияләүгә, шулай ук гражданнарның аерым категорияләренә йөрү өчен түләүгә ташламалар бирүгә бәйле рәвештә, керемнәрне каплауга Татарстан Республикасы бюджетыннан субсидияләр бирү өчен оешманы сайлап алу турында игълан итә.
Хәзер Татарстанның төбәк юлларында 340 берәмлек кар чистарту техникасы эшли. Төнлә юлларга 230 берәмлек техника хезмәт күрсәткән.
Бүген Татарстан Республикасы Президенты Рөстәм Миңнеханов Казан Кремлендә «Северный Ветер» (Nordwind) авиакомпаниясенә нигез салучы Рамазан Акпынар белән очрашты. Очрашуда шулай ук ТР транспорт һәм юл хуҗалыгы министры Фәрит Хәнифов катнашты.
Татарстан Республикасы Кайбыч муниципаль районында Татарстан Республикасы транспорт һәм юл хуҗалыгы министры Фәрит Хәнифов, Кайбыч районы башлыгы Альберт Рәхмәтуллин катнашында киңәшмә узды. Чарада шулай ук «Главтатдортранс» ДКУ эксплуатацияләү буенча директор урынбасары - автомобиль юлларын һәм күпер корылмаларын ремонтлау һәм карап тоту идарәсе башлыгы Зөлфәт Ханмурзин, Кайбыч районы башкарма комитеты җитәкчесе Алексей Макаров һәм подрядчы оешма вәкилләре катнашты.
Агымдагы елда «Имин сыйфатлы юллар» милли проекты кысаларында Түбән Кама шәһәр агломерациясендә автомобиль юлларын норматив хәлгә китерү эшләре дәвам итәчәк.
2022 елда вокзаллардан һәм Горький тимер юлы станцияләреннән хуҗаларсыз 4,2 меңнән артык йорт хайваны җибәрелгән, бу 2021 елга караганда 7,5 процентка күбрәк.
Хәзер Татарстанның төбәк юлларында 297 берәмлек кар чистарту техникасы эшли. Төнлә юлларда 160 берәмлек техника хезмәт күрсәтте.