ЯҢАЛЫКЛАР
24 нче июньгә республикада җиңел таксида пассажирлар йөртү һәм багаж ташу буенча эшчәнлекне тормышка ашыру өчен 9537 рөхсәт язуы бирелгән. Рөхсәт алырга гаризалар ТР Транспорт һәм юл хуҗалыгы министрлыгында сишәмбе һәм җомга көннәрендә 8.30дан алып 12.00 сәгатькә кадәр кабул ителә.
Кичә Юдино станциясендә ике 12 фатирлы торак йортларга ачкычлар тапшыру тантанасы булды. Тантанада Горький тимер юллары башлыгы Анатолий Лесун һәм ТР Транспорт һәм юл хуҗалыгы министры Ленар Сафин катнашты.
Кичә Владивосток - Мәскәү маршруты буенча “Юллар Россияне берләштерә” автомобильләр ярышында катнашучылар Татарстан аша уздылар.
Үзеңә үзең хезмәт күрсәтү терминалы аша билетлар алучы пассажирлар саны арта. 2013 елның гыйнвар-май айларында Казанда терминал аша 11016 пассажир ерак араларга баручы поездларга билетлар рәсмиләштергән.
Узган тәүлектә федераль юлларда һәм төбәк юлларында автотранспорт хәрәкәтенә чикләмә булмады. Татарстан Республикасы Транспорт һәм юл хуҗалыгы министрлыгы метеостанцияләре мәгълүматлары буенча бүген республикада кыска вакытлы яңгыр булырга мөмкин, җил көньяк-көнбатыштан 3-6 м/с тизлектә. Температура көндез +24 +27 градус, төнлә +14 +17 градус.
“Главтатдортранс” ДКУ мәгълүматлары буенча үткән тәүлектә республикада төбәк әһәмиятендәге 4474,4 кв.м юл төзекләндерелгән, 561,5 тонна асфальт-бетон кулланылган.
5 нче июньнән “Казан-1 тимер юл вокзалы” - “Казан” Халыкара аэропорты маршруты буенча көндәлек йөрүгә “Карлыгач” поезды билгеләнгән. Барлыгы 18 рейс оештырылган – 9 рейс аэропорттан һәм 9 рейс вокзалдан. Иң иртә рейс аэропорттан сәгать 7.00, соңы поезд вокзалдан сәгать 00.15 китә.
Бүген ТР Транспорт һәм юл хуҗалыгы министрлыгында җиңел таксида пассажирлар йөртү һәм багаж ташу буенча эшчәнлекне тормышка ашыру өчен чираттагы тапкыр рөхсәт язулары бирелде.