ЯҢАЛЫКЛАР
2024 елда Горький магистраленең тимер юл инфраструктурасы объектларында гражданнарның имгәнү очраклары саны 2023 ел белән чагыштырганда элеккеге дәрәҗәдә калган. Әйтик, узган ел үз саксызлыклары аркасында 118 кеше имгәнгән. Шуларның 16 сы – Татарстан Республикасында, 6 сы-Чуваш Республикасында, 1 очрак Марий Эл Республикасында булган.
Бүген кич Татарстан Рәисе Рөстәм Миңнеханов «Россия автомобиль юллары» дәүләт компаниясе идарәсе рәисе Вячеслав Петушенко белән очрашты. Чарада транспорт һәм юл хуҗалыгы министры Фәрит Хәнифов катнашты.
2025 елда Куйбышев магистрален ремонтлау - юл кампаниясе вакытында Татарстан Республикасында Нурлат – Клиновка аралыгында 11 км юлны яңарту планлаштырыла.
Горький тимер юлының Казан территориаль идарәсендә транспорт хезмәтләре базарында багланышлар мәсьәләләре буенча эшлекле очрашу узды. Чарада магистраль чикләрендә урнашкан эре йөк җибәрүчеләр, шулай ук Татарстан Республикасы транспорт һәм юл хуҗалыгы Министрлыгы, Марий Эл транспорт һәм юл хуҗалыгы Министрлыгы һәм Татарстан Республикасы сәүдә-сәнәгать палатасы вәкилләре катнашты.
27 гыйнвардан Түбән Кама – Ижевск шәһәр яны поезды Татарстан Республикасының Менделеевск районындагы Тойма станциясе буенда пассажирларны утыртачак һәм төшерәчәк. Элек монда техник стоянка гына булган.
Горький тимер юлы буенча Россиянең Көньяк курортлары юнәлешендә ерак араларга йөрүче поездлар белән Казаннан Россиянең көньягына 69,8 мең пассажир киткән. Бу алдагы ел белән чагыштырганда 14,2% ка күбрәк. Татарстан башкаласын һәм илнең көньяк курортларын 17 туры һәм транзит состав бәйли.
Исегезгә төшерәбез, Вознесение трактының концессионер компаниясе «Оптима - Технологияләр» ҖЧҖ 2025 елның 11 гыйнварында 23:50 сәгатьтән түләүле режимда юлны эшләтеп җибәрде. 10 көн эчендә (11 гыйнвардан 21 гыйнварга кадәр) Вознесение трактының икенче этабы буенча 75 531 автомобиль узган, шуларның 38 615 – М-7 ягына, 36 916 - Казан ягына. Пик сәгатьләрдә 31 047 транспорт чарасы узган. Ачылу көненнән алып автоюл буйлап барлыгы 414 645 транспорт чарасы узган.
Горький тимер юлыннан ерак араларга йөрүче поездларда йорт хайваннарын хуҗаларынан башка йөртү хезмәтеннән 4,6 мең кеше файдаланган.
2019 елдан 2024 елга кадәр «Имин сыйфатлы юллар» милли проекты кысаларында автомобиль юлларында һәм ясалма корылмаларда 487 объектның 451ендә яңа технологияләр һәм материаллар кулланылган, күрсәткечнең уртача казанышы 92,6% тәшкил итә. 2024 елда илкүләм проектның барлык объектларында (100%) ФАУ «РОСДОРНИЯ»ның яңа һәм иң яхшы технологияләр реестрыннан яңа материаллар кулланып чаралар башкарылган. Мондый алымнарны кулланып, 113 км автомобиль юлларында һәм 21 күпер корылмасында эшләр башкарылды.
2024 елда Татарстанда Горький тимер юлы вокзаллары һәм станцияләреннән 8,4 млн пассажир җибәрелгән (2023 елга карата+2,4%). Шуларның 1,9 млн пассажиры ерак юлга күчерелгән (+4%), шәһәр яны юлында – 6,5 (+2%).