ЯҢАЛЫКЛАР
Татарстанда 29 июньгә җиңел такси белән пассажирлар һәм багаж ташу эшчәнлеген тормышка ашыру өчен 4100 рөхсәт кәгазе бирелде. 5000 артык рөхсәт кәгазе ясалды. Рөхсәт кәгазе дөрес тутырылган гариза һәм таләп ителгән документларның күчермәләрен тапшыргач бер көннән соң 5 елга түләүсез бирелә. Республикада зона принцибы буенча гаризаларны кабул итү һәм рөхсәт кәгазен алу өчен 11 үзәк ачылды. Рөхсәт кәгазен алганда ташучы гаризага беркетелгән документларның төп нөсхәсен күрсәтергә тиеш. Таксистның транспорт чарасы закон таләпләре буенча җиһазландырылган булырга тиеш. Автомобиль түбәсендә кызгылт сары төстәге тану фонаре, кузовның ян өслегендә контраст төстәге “шашкалар” куелган булырга тиеш. Шулай ук җиңел таксиның алдагы панелендә йөртүченең уң ягында җиңел такси белән файдалану өчен түләү шартлары турында мәгълүмат, фотография белән йөртүченең визит карточкасы, пассажирлар һәм багаж ташуны тормышка ашыру буенча тикшерүне тәэмин итүче әгъзаның атамасы, адресы, элемтә өчен телефоны куелырга тиеш.
Күп санлы пассажирлар үтенече буенча көндәлек шәһәр янында йөри торган Казан – Ульяновск юнәлешендә поездлар билгеләнә (ташучы – “Содружество” ААҖ шәһәр яны пассажир компаниясе.
Татарстанда 26 июньгә җиңел такси белән пассажирлар һәм багаж ташучыларның эшчәнлеген тормышка ашыру өчен 4029 рөхсәт кәгазе бирелде.
27 июньдә «Ак Барс Аэро» авиакомпаниясе Казан - Минеральные Воды – Казан маршруты буенча яңа рейс ача.
«Казан» халыкара аэропортында 2012 нче елда 5 ай эчендә пассажирлар агымы 479 мең 854 кеше тәшкил итте. Бу узган елның шул ук чоры белән чагыштырганда 29,1% ка артыграк. Шуның белән бергә эчке юнәлештә 287 мең 980 кешегә (+21%), ә халыкара юнәлештә – 191 мең 874 кешегә (+31%) хезмәт күрсәтелде.
ТР Транспорт һәм юл хуҗалыгы министрлыгында “Татарстан Республикасы трнаспортында табигый газны мотор ягулыгы сыйфатында куллану” темасына түгәрәк өстәл булып узды. Фикер алышуда Казан, Яшел Үзән, Яр Чаллы, Әлмәт, Түбән Кама башкарма комитетлары вәкилләре, республиканың транспорт һәм юл хуҗалыгы, икътисад, сәнәгать һәм сәүдә, экология һәм табигый байлыклар министрлыкларының, РФ ТР буенча Федераль салым хезмәте идарәсенең җаваплы эшчеләре, һәм шулай ук Татарстан һәм Екатеринбургның автотранспорт предприятиеләре җитәкчеләре катнашты.
ТР Транспорт һәм юл хуҗалыгы министры урынбасары Эдуард Данилов Техник советның чираттагы утырышын үткәрде, анда Татарстан Республикасы буенча баш федераль инспекторның советнигы Александр Ивленков, РФ Беларусь Республикасы илчелеге җитәкчесе (Казандагы бүлек) Руслан Дрозд, республика юл тармагының эре подрядка алынган оешмалары һәм проект институтлары вәкилләре катнашты.