Республиканың автотранспорт предприятиеләре җитәкчеләре өчен Hyundai автобусына презентация ясадылар
Әлеге юнәлештәге автобусларның төп сыйфатлары арасында аларның куркынычсызлыгы тора. Конструкцион катылыгы арттырылган, вибрация киметелгән, йөртүче урыны эргономикасы камилләштерелгән. Монда муен һәм арканы тотып торучы иң яхшы куркынычсызлык ремене белән җиһазландырылган көйләнә торган 44 пассажир утыргычы урнаштырылган. Комплектациягә кондиционер, тау тормозы, арткы күренеш көзгеләре, ян тәрәзәләр тонировкасы, магнитола керә.
Презентациягә Татарстанның 23 автотранспорт пердприятиеләре җитәкчеләре чакырылган иде. Аларның күбесендә автобус үзенең эксплуатацион характеристикалары белән зур кызыксыну уятты. Минзәлә АТП директоры Рамиль Муратов сөйләвенчә, аны 2 момент җәлеп итте: 20 литрлап ягулык сарыф итүе һәм утыргычларың ясалма күн белән эшкәртелүе. Гомумән алганда автобус бик уңайлы һәм ышанычлы.