ЯҢАЛЫКЛАР
Бүген Татарстан Республикасында гомуми файдаланудагы автомобиль юлларының гомуми озынлыгы 40,9 мең км тәшкил итә, шулардан федераль юллар - 1,4 мең км, төбәк юллары – 13,7 мең км, муниципаль юллар - 25,7 мең км. 2019 елдан 2024 елга кадәр автомобиль юллары челтәренең озынлыгы 1450 км га диярлек арткан, шәһәр агломерацияләре юлларының норматив хәлдәге өлеше 80,47%тан 85,9% арткан.
Бүген Татарстан Республикасы Рәисе Рөстәм Миңнеханов катнашында «Юл-транспорт комплексы эшчәнлеге нәтиҗәләре һәм 2025 елга бурычлар турында» Татарстан Республикасы транспорт һәм юл хуҗалыгы Министрлыгы коллегиясенең киңәйтелгән утырышы узды. Чарада шулай ук диңгез һәм елга транспорты федераль агентлыгы җитәкчесе урынбасары Федор шишлаков, Горький тимер юлы - «РЖД» ААҖ филиалы башлыгы Сергей Дорофеевский һәм Куйбышев тимер юлы - «РЖД» ААҖ филиалы башлыгы Вячеслав Дмитриев катнашты.
Бүген «Казан Экспо» үзәгендә Татарстан Республикасы Рәисе Рөстәм Миңнеханов катнашында Татарстан Республикасы транспорт һәм юл хуҗалыгы Министрлыгының «Юл-транспорт комплексы эшчәнлеге нәтиҗәләре һәм 2025 елга бурычлар турында» йомгаклау коллегиясенең киңәйтелгән утырышы узачак.
2024 елда Горький тимер юлы чикләрендә якынча 177 мең төялгән контейнерлар ДФЭ (TEU) күчергәннәр. Бу узган ел белән чагыштырганда 8,4%ка күбрәк.
Габдулла Тукай исемендәге «Казан» Халыкара аэропорты узган елгы рекордлы нәтиҗәне яхшыртты, 2024 елда 5 369 мең пассажирга хезмәт күрсәтте. Чагыштыру өчен, 2023 елда 5 168 мең пассажирга хезмәт күрсәтелгән.
Горький тимер юлы 2024 елда 637 мең тоннадан артык ашлык төягән, бу магистраль өчен рекордлы күрсәткеч булып тора. Бу 2023 ел белән чагыштырганда 2% ка күбрәк.
«Имин сыйфатлы юллар» илкүләм проекты кысаларында 2024 елда Казан, Чаллы һәм Түбән Кама агломерацияләрендә юл хәрәкәте иминлеген арттыруга юнәлдерелгән чаралар башкарылды.
Горький тимер юлында Казан – Санкт-Петербург һәм Түбән Новгород – Санкт-Петербург маршрутлары буенча йөрүче 133/134 номерлы «Идел буе» һәм 59/60 номерлы «Идел» фирма поездлары составы 2024 елда яңа пассажир вагоннары белән тулыланды.
Яңа ел бәйрәм көннәрендә 2024 елның 27 декабреннән 2025 елның 8 гыйнварына кадәр Горький тимер юлы вокзалларыннан һәм станцияләреннән еракка йөрүче һәм шәһәр яны поездлары белән 1,1 млн пассажир җибәрелгән.
Төбәк әһәмиятендәге автомобиль юлларында хәзер 316 берәмлек кар чистарту техникасы эшли. Төнлә юлларга 206 берәмлек хезмәт күрсәтелде. Бер тәүлектә 1626 тонна ком-тоз катнашмасы, 99 тонна тоз, 5 тонна тоз эремәсе тотылган.