ЯҢАЛЫКЛАР
Татарстан Республикасында быел шәһәр агломерацияләрендә интеллектуаль транспорт системаларын урнаштыру буенча чаралар төгәлләнде. Эшләр «Тормыш өчен инфраструктура» илкүләм проекты буенча башкарылды. Барлыгы 19 светофор объекты модернизацияләнгән. Финанслауның гомуми суммасы 122 млн сумнан артык, шуның 97 млн сумы - федераль бюджеттан.
Бу көздә Nordwind Airlines очыш программасына «Казан - Сургут» маршруты буенча турыдан-туры даими рейс өстәләчәк. Очышлар «Икар» авиакомпаниясе белән берлектә 110 пассажир сыйдырышлы уңайлы Эмбраер 190 очкычында башкарылачак.
Татарстан Республикасы чикләрендә Горький тимер юлында йөрүче шәһәр яны поездларыннан 2025 елның гыйнвар-июлендә якынча 3,8 млн кеше файдаланган. Бу узган елның шул ук чоры белән чагыштырганда 0,5% ка күбрәк.
«РОСТКИ» Халыкара форумы кысаларында «Дәүләт идарәсен һәм икътисадны үстерүдә коррупциягә каршы сәясәтнең роле» секциясе утырышы булды. Оештыручылар - Татарстан Республикасы Рәисенең Коррупциягә каршы сәясәт мәсьәләләре идарәсе, Татарстан Республикасы инветицион үсеш агентлыгы. Чарада Татарстан Республикасы транспорт һәм юл хуҗалыгы Министрлыгының дәүләт хезмәте һәм кадрлар бүлеге башлыгы Резеда Хәбибуллина катнашты.
Бүген «Казан Экспо» үзәгендә III Халыкара РОСТКИ форумы кысаларында «Россия-Кытай: тотрыклы партнерлык нигезе буларак логистик бәйләнеш» темасына сессия узды. Сессиядә Россия Федерациясе Президенты киңәшчесе, Россия Федерациясе Президентының транспорт өлкәсендә халыкара хезмәттәшлеге буенча махсус вәкиле Игорь Левитин, Татарстан Республикасы Премьер-министрының беренче урынбасары Рөстәм Нигъмәтуллин, Татарстан Республикасы транспорт һәм юл хуҗалыгы министры Фәрит Хәнифов, «Кытай халыкара суднолар йөрү-контейнер корпорациясе» АҖ вәкиллеге башлыгы Тан Цзянь әфәнде һәм башкалар катнашты.
Бүген "Казан Экспо" үзәгендә "РОСТКИ: Россия һәм Кытай – үзара файдалы хезмәттәшлек" III Халыкара форумы һәм Russia China Expo күргәзмә экспозициясе ачылды.
«Тормыш өчен инфраструктура» илкүләм проектын гамәлгә ашыру кысаларында Татарстан Республикасы Биектау муниципаль районында өч участокта (2,9 - 4,6 км, 15,1 - 15,8 км, 16,8 - 19,9 км) Каменка - Дөбъяз - Олы Әтнә автомобиль юлы ремонтлана. Ремонтланган участокларның озынлыгы 5,5 км тәшкил итәчәк, юл IV - техник категориягә туры килә.
Һава флотының барлык хезмәткәрләрен һәм ветераннарын һөнәри бәйрәмнәре белән котлыйм!
Бүген Казан шәһәренең «Метроэлектротранс» муниципаль унитар предприятиесенә 20 ел тулды. Беренче линия 2005 елның 27 августында файдалануга тапшырылды. Шуннан бирле метрополитен Казан шәһәре үсешендә төп рольне уйный.
«Тормыш өчен инфраструктура» илкүләм проекты буенча Татарстан Республикасы Казан шәһәренең Яңа Савин районында Октябрь урамы (Гагарин урамыннан Восстание урамына кадәр өлеше) ремонтланды, аның озынлыгы 0,800 км, киңлеге 2 полосадан тора.