Татарстанда 15 нче апрельдән төбәк әһәмиятендәге автомобиль юлларында авыр йөк ташучы транспорт чаралары хәрәкәтенә чик кертеләчәк

2015 елның 14 апреле, сишәмбе
Бүген матбугат һәм массакүләм коммуникацияләр буенча республика агентлыгында онлайн режимында брифинг узды. Ул 2015 елда гомуми файдаланудагы автомобиль юлларында транспорт чаралары хәрәкәтенә вакытлыча чикләүләр кертүгә багышланды. Брифингта ТР Транспорт һәм юл хуҗалыгы минитсры урынбасары Артем Чукин, Таатрстан Республикасы ЮХИДИ идарәсе башлыгы Рифкать Миңнеханов, Казан Башкарма комитетының Тышкы төзекләндерү комитеты рәисе урынбасары Рәис Зәйнетдинов һәм “Юл хәрәкәте иминлеге” ДБУның зур күләмле йөк бүлеге җитәкчесе Руслан Гобәйдуллин катнаштылар.
Артем Чукин хәбәр иткәнчә, Татарстанда 15 апрельдән алып 14 майга кадәр төбәк әһәмиятендәге автомобиль юлларында авыр йөк ташучы транспорт чаралары хәрәкәтенә чикләү кертелә. Язгы чорда төбәк әһәмиятендәге автомобиль юллары буйлап бер күчәрле транспортка 6 т, ике күчәрлегә 5 т, өч күчәрлегә 4 т кадәр йөкләнеш рөхсәт ителә. Автомобиль юлларында тиешле вакытлыча юл билгеләре урнаштырылуы мәҗбүри санала.
Ел саен язгы чорда хәрәкәтне вакытлыча чикләү, юл челтәрен саклау өчен, мәҗбүри һәм кирәкле чара булып санала. Бу чикләүләргә карамаган автомобильләр рәтенә туклану продуктлары, хайваннар, дару препаратлары, орлык фонды, ашламалар, ягулык (бензин, дизель ягулыгы, суднолар ягулыгы, реактив двигательләр ягулыгы, ягулык мазуты, газсыман ягулык) ташучы транспорт чараларына, табигый бәла-казалар яисә башка гадәттән тыш һәлакәтләр салган зыяннарны бетерү өчен кирәкле йөкләр ташуга, шулай ук халыкара йөк ташуга, автобусларда пассажирлар ташуга, йөк күтәрү сәләте 16 тоннага кадәр булган транспорт чаралары керә.
Транспорт чаралары хәрәкәтенә махсус рөхсәтне «Юл хәрәкәте иминлеге» дәүләт бюджет учреждениесенең түбәндәге бүлекләрендә алырга мөмкин:
Казан шәһ., Ырынбур тракты, 5 йорт, 2 кат, 214 каб., тел. (843) 533-37-97, (843) 533-38-02;
Яр Чаллы шәһ., Казан проспекты, 72 йорт, 1 кат, тел. (8552) 77-09-17;
Әлмәт шәһ., Совет ур., 184г йорт, 1 кат, тел. (8553) 32-02-51;
Нурлат шәһ., Склад ур., 2 йорт, 1 кат, тел. (84345) 2-93-26.
Министрлыкның матбугат хезмәте.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр һәм гражданнарны кабул итү
Адрес: 420061, Казан шәһәре, Н.Ершов урамы, 31а
Телефон: +7 (843) 291-91-91
Факс: +7 (843) 291-90-08, 264-61-01
E-Mail: mindortrans@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International