1 июльдән Татарстан территориясе буенча шәһәр яны тимер юл транспортында пассажирлар йөртүгә тариф үзгәрәчәк

2021 елның 29 июне, сишәмбе

Татарстан Республикасы Тарифлар буенча дәүләт комитетының 2021 елның 17 июнендәге 1 номерлы карары нигезендә Татарстан Республикасы территориясе буенча шәһәр яны тимер юл транспортында пассажирлар йөртүгә тариф үзгәрәчәк.

Бәя түбәндәгечә булачак:

- маршрут буенча беренче ун километрлы зонадан икенчесенә кадәр бәя - 28 сум;

- өченче зонадан дүртенчесенә кадәр - һәр зона өчен өстәмә 18 сум;

- бишенче зонадан сигезенчегә кадәр - һәр зона өчен өстәмә 16 сум;

- тугызынчы зонадан унөченчегә кадәр - һәр зона өчен өстәмә 14 сум;

- ундүртенче зонадан егерменчегә кадәр - һәр зона өчен өстәмә 12 сум.

5 яшьтән 7 яшькә кадәрге балаларны йөртүгә тарифлар юл документының тулы бәясеннән 25% күләмендә билгеләнгән.

Татарстан территориясендә юл йөрү документлары белән беррәттән абонемент билетлары да гамәлдә:

- «көн саен», гамәлдә булу срогы - 1, 2, 3, 4 ай, 10, 15, 20, 25 көн;

- «эш көне», гамәлдә булу срогы - 1, 2, 3, 4 ай;

- «ял көне», гамәлдә булу срогы - 1, 2, 3, 4 ай;

- махсус тариф буенча («Шәһәр», «Ике яр», «Корпоратив», «Миңа башкалага», «Яшьләр»).

Тулырак мәгълүматны 8 (937) 625-04-33 телефоны буенча (тәүлек буе) һәм «Содружество» АҖ кассаларында алырга мөмкин.