Үткән тәүлеккә Татарстан Республикасында транспорт комплексының хәле турында мәгълүмати хәбәр

Татарстан буенча муниципальара маршрутларга мониторинг системасында 279 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә 1 тапкыр тизлек режимы бозылган, маршруттан тайпылуның 34 очрагы теркәлгән.

Иделдә суның биеклеге 53,08 метр тәшкил итә (су биеклегенең куркыныч билгесе 54,54 метрдан санала), Камада су 53,32 метр (65,9 метр) биеклектә.

Казан аэропортыннан 70 рейс башкарылган, шул исәптә 2 чартер, 15 халыкара рейслар. 2820 пассажир җибәрелгән, Татарстан башкаласына 2697 кеше килгән.

8 нче сентябрьдә республикада аязучан болытлы һава көтелә, төнлә һәм иртән яңгыр, кайбер районнарда яшен, көндез урыны белән яңгыр, көньяк-көнбатыштан талгын җил. Температура көндез: +18 - +23 гр.