“Көньяк” автовокзалы 16-17 июль көннәрендә өстәмә рейслар оештыра

“Көньяк” автовокзалы бәйрәм алды көне 16 июльдә һәм 17 июль Ураза бәйрәме көненә эчке һәм төбәкара линияләрдә популяр юнәлешләр буенча өстәмә рейслар оештыра - Тольятти, Уфа, Димитровград, Күмертау, Салават, Чабаксар, Туймазы, Әлмәт, Түбән Кама, Яр Чаллы, Чистай, Нурлат, Чирмешән, Болгар, Яңа Чишмә, Зөя, Базарлы Матак һәм башка юнәлешләрдә.

Өстәмә рейслар турында мәгълүматны “Көньяк” автовокзалының белешмә хезмәте телефоны (843) 237-33-23 аша белергә мөмкин.