Үткән тәүлеккә Татарстан Республикасында транспорт комплексының хәле турында мәгълүмати хәбәр

Татарстан буенча муниципальара маршрутларга мониторинг системасында 298 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә 2 тапкыр тизлек режимы бозылган, маршруттан тайпылуның 88 очрагы теркәлгән.

Иделдә суның биеклеге 53,06 метр тәшкил итә (су биеклегенең куркыныч билгесе 54,54 метрдан санала), Чулманда су 53,23 метр (65,9 метр) биеклектә.

Казан аэропортыннан 86 рейс башкарылган, шул исәптә 14 чартер, 24 халыкара рейслар. 3258 пассажир җибәрелгән, Татарстан башкаласына 3046 кеше килгән.

2 нче июльдә республикада алмашынучан болытлы һава көтелә, урыны белән яңгыр, яшен, төньяк-көнбатыштан талгын җил. Температура көндез: +21 - +26 гр.