Үткән тәүлеккә Татарстан Республикасында транспорт комплексының хәле турында мәгълүмати хәбәр

Татарстан буенча муниципальара маршрутларга мониторинг системасында 289 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә 1 тапкыр тизлек режимы бозылган, маршруттан тайпылуның 66 очрагы теркәлгән.

Иделдә суның биеклеге 53,16 метр тәшкил итә (су биеклегенең куркыныч билгесе 54,54 метрдан санала), Чулманда су 53,24 метр (65,9 метр) биеклектә.

Казан аэропортыннан 64 рейс башкарылган, шул исәптә 11 чартер, 20 халыкара рейслар. 3235 пассажир җибәрелгән, Татарстан башкаласына 3229 кеше килгән.

26 нчы июньдә республикада алмашынучан болытлы һава көтелә, явым-төшемсез, төньяк-көнчыгыштан талгын җил. Температура көндез: +26 - +31 гр.