Региональ әһәмияттәге автомобиль юлларында хәзер 265 берәмлек кар җыю техникасы эшли
Хәзер төбәк әһәмиятендәге автомобиль юлларында 265 берәмлек кар җыю техникасы эшли. Төнлә юлларга 383 берәмлек техника хезмәт күрсәтте. Тәүлеккә 2264 тонна ком-тоз катнашмасы, 30 тонна тоз тотылган.
Исегезгә төшерәбез, төбәк әһәмиятендәге автомобиль юлларын карап тотуга җәлеп ителгән юл техникасының автотранспорт паркы кар чистарту һәм бозлавыкка каршы материалларны бүлү эшләрен башкару өчен җайлаштырылган 1125 берәмлек махсуслаштырылган юл машинасын тәшкил итә. Ком-тоз катнашмасын һәм техник тозны бүлү өчен 345 катнаш юл машинасы кулланыла.
Синоптиклар мәгълүматларына караганда, Татарстанда болытлы һава көтелә. Урыны белән бераз кар, буран. Җил көньяктан, 8-13 м/с, тизлеге 15-20 м/с, урыны белән 23 м/с кадәр. Һава температурасы көндез -1 °C тан -6 ° C ка кадәр. Юлларда бозлавык һәм кар көртләре. Машина йөртүчеләрдән игътибарлы булуларын сорыйбыз.
Төбәк юлларында штаттан тыш хәлләр килеп чыкканда, Министрлыкның тәүлек буе эшли торган оператив хезмәтенә (843) 291-91-91 телефоны буенча мөрәҗәгать итүегезне сорыйбыз.