Министрлыкта дәүләт мәгълүмат системасы чараларын гамәлгә ашыру турында киңәшмә узды
Бүген Татарстан Республикасы транспорт һәм юл хуҗалыгы Министрлыгында республикада электрон ташу документларының дәүләт мәгълүмат системасын (ЭПД ГИС) гамәлгә ашыру турында киңәшмә узды. Анда РФ Федераль Җыены Дәүләт Думасы депутаты, Конкуренцияне яклау комитеты әгъзасы Айдар Метшин, ТР транспорт һәм юл хуҗалыгы министры урынбасары Айрат Садыйков, ТР Дәүләт идарәсенең цифрлы үсеш, мәгълүмати технологияләр һәм элемтә министры урынбасары Булат Габдрахманов, шулай ук видеоконференцэлемтә режимында республика муниципаль берәмлекләре, юл-транспорт оешмалары вәкилләре һәм башкалар катнашты.
Айрат Садыйков электрон ташу документларының дәүләт мәгълүмат системасы турында доклад белән чыгыш ясады. Министр урынбасары хәбәр иткәнчә, әлеге система Россиядә 2022 елдан бирле эшли. Өч ел эчендә аннан 3,5 мең компания файдаланган һәм ай саен 1,5 млн документ рәсмиләштерелә. Айрат Садыйков 2026 елның 1 сентябренә юл документациясе белән эшләүче Татарстан Республикасының һәр оешмасына әлеге системаны кертү планлаштырылуы турында сөйләде.
«ЗащитаИнфоТранс» ФДУП цифрлы логистика департаменты директоры Денис Заверняев система турында җентекләбрәк сөйләде. Система йөк ташу буенча мәгълүматларны туплый торган бердәм мәгълүмати мохит булдыру, электрон ташу документларын эшкәртүне һәм саклауны тәэмин итү, шулай ук контроль-күзәтчелек органнарына документларны оператив тапшыру өчен каралган.
"Метроэлектротранс" МУП ДИТиС директоры Гадел Мөхәммәдияров үзенең эш тәҗрибәсе белән уртаклашты. Ул хәбәр иткәнчә, оешма 2024 елның декабрендә 4 нче номерлы трамвай маршрутында пилот старт алган. Эш башланганнан бирле барлыгы 2856 юл бите рәсмиләштерелгән.