Татарстанның транспорт комплексы җитәкчеләре катнашында киңәйтелгән аппарат киңәшмәсе булып үтте.

2013 елның 22 ноябре, җомга
Бүген ТР Транспорт һәм юл хуҗалыгы министрлыгында республиканың транспорт комплексы җитәкчеләре катнашында киңәйтелгән аппарат киңәшмәсе булып үтте.
Пассажирлар иминлеген тәэмин итү буенча чараларны көчәйтү мәсьәләсенә багышланган утырыш бер минут тынлык белән башланып китте. Җыелучылар Казан аэропортындагы авиакатастрофада һәлак булганнарны искә алдылар.  
Чыгышын башлап җибәргәндә ТР Транспорт һәм юл хуҗалыгы министры Ленар Сафин республиканың автотранспорт предприятиеләре, Аэроэкспресс һәм таксистлар җитәкчеләренә фаҗига вакытында һәлак булганнарның туганнарын һәм пассажирларны түләүсез йөрткәннәре өчен рәхмәт белдерде.
Министр транспорт комплексының барлык объектларында да пассажирлар иминлеген тәэмин итү буенча чараларны төрле яклап көчәйтү кирәклеген билгеләп үтте. Предприятиеләрдә һәр көнне йөртүчеләр һәм кондукторлар өчен куркынычсызлык буенча инструктаж уздырылырга тиеш.      
Шулай ук утырышта автомобиль транспортының 2013-2014 елларның кышкы көннәрендә өзлексез эшләвен тәэмин итү мәсьәләсе дә каралды. Юл комплексы предприятиеләре җитәкчеләре сүзләренә караганда бозлавыкка каршы материаллар кирәк күләмдә әзерләнгән, катнаш юл машиналары, автогрейдерлар, кар чистартучы техника төзекләндерелгән һәм тулысынча кыш көне эшләргә әзер. Ленар Сафин  кышкы шартларда пассажирларга сыйфатлы хезмәт күрсәтү өчен җәмәгать транспортын хәзерләү буенча 1 декабрьдән “Автобус” операциясен башлап җибәрергә йөкләмә бирде.  
Матбугат үзәге.
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр һәм гражданнарны кабул итү
Адрес: 420061, Казан шәһәре, Н.Ершов урамы, 31а
Телефон: +7 (843) 291-91-91
Факс: +7 (843) 291-90-08, 264-61-01
E-Mail: mindortrans@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International