Үткән тәүлектә юл-транспорт һәлакате 4 кеше гомерен өзгән

2013 елның 11 ноябре, дүшәмбе
10 нчы ноябрьдә өч юл-транспорт һәлакате нәтиҗәсендә 4 кеше һәлак булган.
Казанның Песочная урамында ВАЗ-2114 автомобиле йөртүчесе хәрәкәт иминлеген тәэмин итәрдәй тизлек сайламаган, һәм каршы як юнәлештәге кюветка төшеп агачка бәрелгән. Йөртүче алган җәрәхәтләрдән шунда ук вафат булган, аның куркынычсызлык каешын эләктермәве ачыкланган. Автомобиль пассажиры төрле җәрәхәтләр белән хастаханәгә китерелгән.
Зәй районында Яр Чаллы-Зәй-Әлмәт автоюлының 62 нче чакрымында “Шевроле Лачетти” автомобиле белән идарә итүче иминлек тизлеген сайламаган һәм каршы як полосага чыгып “Ивеко” йөк машинасына бәрелгән. Бәрелешү нәтиҗәсендә “Шевроле” автомобиле йөртүчесе һәм пассажиры шунда ук һәлак булганнар. Баланы үлемнән балалар утыргычы коткарып калган, ул төрле җәрәхәтләр белән Үзәк район хастаханәсенә озатылган.
Биектау районында Казан-Малмыж автомобиль юлының 18 нче чакрымында ВАЗ-2109 автомобиле йөртүчесе каршы як юлга чыгып “Шевроле Круз” автомобиленә бәрелгән. ВАЗ-2109 йөртүчесе шунда ук һәлак булган. “Шевроле” автомобиле белән идарә итүче төрле тән  
җәрәхәтләре белән Үзәк район хастаханәсенә китерелгән.
ТР буенча ЭЭМ ЮХИДИ юл хәрәкәтендә катнашучыларны куркынычсызлык каешын эләктерүгә, 12 яшькәчә балаларны махсус утыргычка утыртып йөртүгә, иминлек тәэмин итәрдәй тизлек сайларга һәм тыелган урыннарда каршы як юлга чыкмаска өнди.
Материалны ТР буенча ЭЭМ ЮХИДИ матбугат хезмәте тәкъдим итте.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр һәм гражданнарны кабул итү
Адрес: 420061, Казан шәһәре, Н.Ершов урамы, 31а
Телефон: +7 (843) 291-91-91
Факс: +7 (843) 291-90-08, 264-61-01
E-Mail: mindortrans@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International