Түбән Новгород-Казан электричкаларына билетларны хәзер «Про Транспорт» кушымтасында карарга мөмкин

Горький магистрале буенча йөрүче Түбән Новгород – Казан төбәкара электропоездлары пассажирлары хәзер «ПроТранспорт» мобиль кушымтасы аша йөрү документын сатып ала ала.

Моның өчен сәфәр башланыр алдыннан пассажирга мобиль җайланмада кушымта урнаштырырга һәм эшләтеп җибәрергә кирәк. Аннары китү һәм килү станциясен, сәфәрнең датасын һәм вакытын сайларга кирәк. Теркәлү узганнан соң урын сайлау һәм билет сатып алу мөмкинлеге булачак. Юл йөрү документы «заказлар» бүлегендә активлаша. Сәфәр вакытында шәхесне раслаучы документ булырга тиеш.

Электричка көн саен йөри. Исегезгә төшерәбез, Идел буе башкаласыннан ул 05:10 һәм 16:08 сәгатьтә китә, Казанга 11:05 һәм 22:03 сәгатьтә килә. Татарстан башкаласыннан поезд 05:25 һәм 15:54 сәгатьтә китә, Түбән Новгородка 11:20 һәм 21:49 сәгатьтә килә.

Юлда Арзамас-2, Перевозская, Сергач, Пильна, Княжиха, Шумерля, Вурнара, Канаш, Зөя һәм Яшел Үзән станцияләрендә тукталышлар каралган.