Татарстанда Горький магистралендә пассажирлар йөртү 2024 елда 2,4% арткан
2024 елда Татарстанда Горький тимер юлы вокзаллары һәм станцияләреннән 8,4 млн пассажир җибәрелгән (2023 елга карата+2,4%). Шуларның 1,9 млн пассажиры ерак юлга күчерелгән (+4%), шәһәр яны юлында – 6,5 (+2%).
2024 елда Горький тимер юлы вокзаллары һәм станцияләреннән барлыгы 40 млн пассажир җибәрелгән (2023 елга карата+3,8%). Шулардан 9,2 млн пассажир ерак юлга күчерелгән (+3,9%), шәһәр яны юлында – 30,5 млн (+3,8%).
Горький тимер юлы буенча Идел буе башкаласыннан Мәскәүгә һәм Санкт-Петербургка йөрүче ерак араларга йөрүче поездлардан 2024 елда 1,5 миллионнан артык пассажир файдаланган. Бу 2023 ел белән чагыштырганда 7% ка күбрәк.
Ерак арага йөрүче поездларда пассажирлар йөртүдә Горький магистрале уза торган башка эре шәһәрләрдән дә уңай динамика саклана. 2024 елда Казаннан Мәскәүгә һәм Санкт-Петербургка 636 мең кеше күчерелгән. Бу алдагы ел белән чагыштырганда 11% ка күбрәк. Шул исәптән, Татарстан башкаласыннан Мәскәүгә – 572,2 мең пассажир (+8,4%), Санкт-Петербургка – 64 мең кеше (+19,5%).
Юл йөрү документларын тимер юл вокзаллары кассаларында, «Россия тимер юллары» ААҖ сайтында «Пассажирларга» бүлегендә, шулай ук «Россия тимер юллары пассажирларга»мобиль кушымтасы аша рәсмиләштерергә мөмкин.
Юл йөрү документларын рәсмиләштерү кагыйдәләре һәм поездлар хәрәкәте турында тулырак мәгълүматны «Россия тимер юллары» ААҖ клиентларга ярдәм үзәгендә 8-800-775-00-00 телефоны буенча (Россиянең барлык регионнарыннан бушлай шалтырату), шулай ук «Россия тимер юллары» ААҖ рәсми сайтында белергә мөмкин.