«РЖД электричкалары» чат-боты «Содружество» шәһәр яны компаниясе полигонында эшен киңәйтәчәк
Татарстан, Чувашия, Марий Эл, Мордовия һәм Киров өлкәсендәге шәһәр яны поездлары пассажирлары 2024 елның 1 ноябреннән Telegram мессенджерында «РЖД электричкалары» махсус чат-боты аша юл йөрү өчен түли алачак.
Виртуаль ярдәмче ярдәмендә пассажирлар юл йөрү документларын сатып алудан тыш багаж һәм хайваннарны ташуга квитанцияләр дә рәсмиләштерә алалар. Моннан тыш, чат-ботта әлеге проектның партнеры булган уку йортларында укучы студентлар өчен ташламалы юл йөрү документын рәсмиләштерү мөмкинлеге бар.
Билетны чат-бот аша сатып алу өчен кирәк:
Telegram мессенджерына керергә һәм @bilet_na_elektrichku_bot сылтамасы буенча күчәргә;
- тулы теркәлү узарга;
- бару маршрутын, датасын һәм вакытын сайларга;
- түләүне имин түләүләр системасы аша башкарырга.
Шуннан соң автомат рәвештә билетның штрих-коды киләчәк. Тикшерү вакытында пассажирга «РЖД электричкалары» чат-ботын ачарга һәм анда кассирга электрон документны күрсәтергә кирәк.