Казанда юл илкүләм проекты буенча Вересаев урамын ремонтладылар
«Имин сыйфатлы юллар» милли проекты кысаларында Казан шәһәре Авиатөзелеш районының Вересаев урамы (Пржевальский урамыннан Ударная урамына кадәр) 0,400 км озынлыкта ремонтланды. Биредә 5 200 кв. м. мәйданлы ныклы вак таш-мастик асфальт-бетон белән каплауның өске катламы салынган, гомуми мәйданы 1 100 кв.м. булган тротуарлар ремонтланган, 595 погон метр юл борт ташы һәм 466 погон метр тротуар борт ташы алыштырылган.
Моннан тыш, юл хәрәкәте иминлеген тәэмин итү буенча берничә эш башкарылган. Аерым алганда, 88 кв.м. мәйданлы тукталыш кесәләре төзелгән һәм бер тукталыш павильоны урнаштырылган, шулай ук 79 данә юл билгеләре урнаштырылган, юл билгеләре ясалган һәм светофорлы көйләнә торган җәяүлеләр үтүе төзелгән.
Объектның бәясе 38 191 930 сум. Хәзерге вакытта башкарылган эшләрнең проценты 100% тәшкил итә.