Узган ел белән чагыштырганда аварияләр саны кимеде
Татарстан Республикасы Министрлар Кабинетының һәм Татарстан Республикасы буенча Эчке эшләр министрлыгы коллегиясенең уртак утырышында сөйләде.
2022 елда Татарстан Республикасы территориясендә урнашкан федераль һәм төбәк юлларда 306 кеше һәлак булган һәм 4 095 кеше җәрәхәтләнгән, барлыгы 3 317 юл-транспорт һәлакәте теркәлгән. «Узган ел белән чагыштырганда һәлакәтләрнең төп күрсәткечләренең саны кимүе күзәтелә: юл-транспорт һәлакәтләре саны 380гә кимегән, һәлак булучыларның саны 7гә һәм яраланучылар саны 465 кә кимегән», - дип хәбәр итте Фәрит Хәнифов. Төбәк юлларында юл-транспорт һәлакәтләренең төп төрләре - бәрелешүләр, юлдан чыгып узарга тырышу һәм җәяүлеләрне бәрдерү.
Юл-транспорт һәлакәтләрен анализлау нәтиҗәләре буенча ЮХИДИ идарәсе белән берлектә юл хәрәкәте иминлеген арттыру чаралары булдырылды һәм гамәлгә ашырылды. Региональ әһәмияттәге автомобиль юлларында юл хәрәкәте иминлеге дәрәҗәсен күтәрү максатларында юлларда ясалма киртәләр урнаштыру планнары эшләнде һәм гамәлгә ашырылды: 30 муниципаль район территориясендә тизлекне киметүгә ярдәм итүче 91 ясалма киртәләр билгеләнде. Һәлакәтләрне булдырмау буенча каршы як хәрәкәт итү полосасына чыгу һәм җәяүлеләрнең юл өлешенә чыгуны чикләү өчен барьер тибындагы 31 мең км дан артык металл киртә урнаштырылды һәм алыштырылды, шул исәптән 27 мең км артык киртә транспорт чаралары хәрәкәтенең каршы як хәрәкәт агымнарын аеру өчен урнаштырылды. Торак пунктлар аша уза торган юлларда ясалма яктырту баганалары куелды, төзекләндерү эшләре башкарылды: гомуми озынлыгы 78 мең км тәшкил иткән 50 участокта ясалма яктырту ясалды.
«Юл хәрәкәте кагыйдәләрен бозуларны автомат рәвештә теркәү системасын үстерергә, шулай ук автоматлаштырылган саллы контроль системасын камилләштерергә кирәк дип саныйм», - диде Фәрит Хәнифов.
Шулай ук Татарстан Республикасы транспорт һәм юл хуҗалыгы министрлыгы башлыгы республикада «Имин сыйфатлы юллар» милли проектын гамәлгә ашыру дәвам итә, дип өстәде, ул, һичшиксез, юл эшләре программасының төп өлеше булып тора. Милли проект күрсәткечләренә ирешүне тәэмин итү максатларында 170 чакрымнан артык автомобиль юлларын һәм шәһәр урамнарын норматив хәлгә китерү буенча эшләр тулы күләмдә башкарылды. Үткәрелгән эш нәтиҗәсендә норматив таләпләргә туры килә торган региональ әһәмияттәге автомобиль юлларының 50% норматив таләпләргә туры килә һәм шәһәр агломерацияләренең автомобиль юлларының 83% норматив таләпләргә туры килә.
Министр шулай ук балаларны йөртүче автобуслар турында да сөйләде. Көн саен "ГЛОНАСС+112" системасында балаларны йөртүче 2 меңнән автобус күзәтелә. Булган мәгълүматларга караганда, 24 гыйнварга аларның саны 2260 данә тәшкил итә, шуларның 836сы - даими 890 мәктәп маршрутына хезмәт күрсәтә, 122 се - өстәмә белем бирү учреждениеләренә, 104 е - балалар спорт мәктәпләренә һәм 1198 берәмлеге фрахтование килешүләре буенча балаларны туристик максат белән йөртә.
Татарстан Республикасы буенча Эчке эшләр министрлыгының ЮХИДИ идарәсе һәм Ространснадзор катнашында даими рәвештә балаларны йөртү өчен җаваплы булган ТР муниципаль берәмлекләре, министрлыклар һәм башкарма комитет хезмәткәрләре, шулай ук даими рәвештә пассажирлар йөртүнең һәм багаж ташуның муниципальара маршрутларына хезмәт күрсәтүче предприятие вәкилләре белән селектор киңәшмәләр уздырыла. Көн саен балалар төркемен, шулай ук мәктәп автобусларын йөрткәндә автобусларны эксплуатацияләү мониторингы уздырыла һәм атна саен аларның тизлек режимын үтәү турында мәгълүмат тиешле министрлыкларга һәм ведомстволарга тапшырыла.