Түбән Камада илкүләм юл проекты буенча Корабельная урамында капиталь ремонт төгәлләнде

2022 елның 13 октябре, пәнҗешәмбе

«Имин сыйфатлы юллар» милли юл проекты кысаларында Татарстан Республикасы Түбән Кама муниципаль районының Түбән Кама шәһәрендә Корабельная урамына (Химиклар проспекты чатыннан Корабельная урамы 52 нче йортка кадәр) капиталь ремонт ясалды.

Объект файдалануга әзер. Шулай ук Түбән Кама шәһәрендә милли юл проекты кысаларында Химиклар проспекты участогын Менделеев урамыннан Вахитов проспектына капиталь төзекләндерү тәмамланган иде.