Казанда Четаев урамында илкүләм юл проекты буенча ремонт эшләре төгәлләнде

2022 елның 19 сентябре, дүшәмбе

"Имин сыйфатлы юллар" милли юл проекты кысаларында Татарстан башкаласының Яңа Савин районында Четаев урамы участогын Бондаренко урамыннан алып Әбсәләм урамына кадәр ремонтлап бетерделәр. Эшләрнең озынлыгы 0,407 км тәшкил итте.

Моннан тыш, юл хәрәкәте куркынычсызлыгын тәэмин итү максатыннан, җәяүлеләр киртәсен һәм ясалма тигезсезлекне яңадан кору тәмамланды, баганалар һәм билгеләр урнаштырылды, шулай ук юл билгеләре ясалды.