Казаннан Доминиканга турыдан-туры даими рейслар ачылды
Бүген Габдулла Тукай исемендәге «Казан» халыкара аэропортыннан Доминикан Республикасына турыдан-туры даими рейслар ачылды.
Казан - Пунта-Кана (Доминикан Республикасының көньяк-көнчыгыш яр буе) маршруты буенча очыш программасы Boeing 777-200ER маршрутында башкарыла, ешлыгы 12 көн саен. Туристик юлламаларның операторы - PEGAS Touristik компаниясе.
Доминиканга туристик максатларда бер айга кадәр срок белән бер тапкыр бару өчен россиялеләр өчен виза таләп ителми.
Россиядән Доминикан Республикасына чыгу өчен коронавируска тест тапшырырга кирәкми. Доминикан аэропортларына килеп җиткәч кайбер пассажирлар һәм симптомнары булган кешеләр арасында тестлар алына. 5 яшькә кадәр балалар процедураны узмыйлар.
Доминикан Республикасына килгәнче ук вакцинаның соңгы дозасы кертелгәннән соң 3 атнадан да соңга калмыйча үткәрелгән вакцинация паспорты яки 72 сәгать вакыт үтмәгән ПЦР-тестның тискәре нәтиҗәсе булган туристларга тест узарга кирәкми.
Барлык килгән кешеләрнең дә температурасы үлчәләчәк. Симптомнары яки тестның уңай нәтиҗәсе булган пассажирлар изоляцияләнәчәк һәм моның өчен махсус бүлеп бирелгән биналарга кабул ителәчәк.