Татарстанның Ютазы районында илкүләм проект буенча Азнакай – Ютазы - М-5 автомобиль юлы участогын төзекләндерү төгәлләнде
Ютазы районында «Имин сыйфатлы юллар» илкүләм проекты буенча төбәк әһәмиятендәге Азнакай – Ютазы – М-5 автомобиль юлын төзекләндерү төгәлләнде. 2 км озынлыктагы участокта югары чыдамлыкка ия ЩМА-11 вак таш-мастик асфальт-бетоннан яңа катлам җәелгән, трасса күчәрләре торгызылган һәм ныгытылган, тоташкан урыннар эшкәртелгән, һәр яктан берәр метр юл кырыйлары ныгытылган.
Подрядчы оешманың 19 юл билгесе куясы калган.
Юл 4 техник категория нормативы буенча 2 хәрәкәт полосасы һәм 7 м киңлектәге транспорт йөрү өлеше белән проектланган. Ул «Урал» М-5 һәм «Идел» М-7 федераль трассаларына чыгуны тәэмин итә. Аның буенча муниципальара һәм төбәкара автобус маршрутлары йөри.
Илкүләм проектлар Россиядә 2019 ел башыннан РФ Президенты Владимир Путинның «май» указы нигезендә гамәлгә ашырыла.