Спас районында «Алексеевск - Югары Колок» - Базяково - Тукай автомобиль юлы буенча хәрәкәт вакытлыча ябыла

2021 елның 9 июле, җомга

Спас муниципаль районында 12 июльдән 20 октябрьгә кадәр «Алексеевск - Югары Колок» - Базяково – Тукай автомобиль юлы транспорт хәрәкәте өчен вакытлыча ябыла. Бу чорда 26,5 км дан 38,2 км га кадәр участокта төзекләндерү эшләре планлаштырылган.

Машина йөртүчеләргә төбәк әһәмиятендәге Алексеевск - Югары Колок һәм Базарлы Матак - Болгар автомобиль юллары тәкъдим ителә.

Тиешле юл билгеләре куелган юл хәрәкәтен оештыру схемасы ТР буенча ЮХИДИ идарәсе белән килештерелгән.

Машина йөртүчеләрне әлеге юл буенча үз маршрутларын алдан планлаштыруларын сорыйбыз.