1 майдан Алнаши – Яр Чаллы – Зәй маршрутындагы шәһәр яны поездларында ике меңнән артык пассажирга хезмәт күрсәтелгән
2021 елның 1 маеннан «Содружество» шәһәр яны компаниясе Алнаши – Яр Чаллы – Зәй маршрутлары буенча шәһәр яны поездларын билгеләгән. Әлеге социаль әһәмиятле проект Куйбышев тимер юлы һәм Татарстан Республикасы Хөкүмәте белән берлектә гамәлгә ашырылган. Поездлар йөри башлаганнан бирле әлеге маршрутлар буенча ике меңнән артык пассажирга хезмәт күрсәтелгән.
Алнаши – Зәй – Алнаши маршруты буенча рельс автобусы көн саен Алнаши тимер юлы вокзалыннан 05:50 сәгатьтә китә һәм Зәйгә 08:16 сәгатьтә килә. Зәйдән шәһәр яны поезды 16:14 сәгатьтә китә, Алнашига 18:55 сәгатьтә килә. Юлда түбәндәге станцияләрдә тукталышлар һәм тукталышлар пунктлары каралган: 236 км т. п., 230 км т. п., Тойма, 217 км т. п., 212 км т. п., Менделеевск, Тихоново, 198 км т. п., Яр Чаллы, Круглое Поле, Никашновка, Бигеш, Зыча, 136 км т. п..
Зәй – Яр Чаллы – Зәй маршруты буенча рельс автобусы станциядән 12:14 сәгатьтә кузгалып китә, Яр Чаллыга 13:40 сәгатьтә килә. Поезд кире якка Яр Чаллы станциясеннән 14:32 сәгатьтә китә, Зәй станциясенә 15:42 сәгатьтә килә. Юлда түбәндәге станцияләрдә тукталышлар һәм тукталыш пунктлары каралган: 136 км т. п., Зыча, 144 км т. п., Бигеш, Никашновка, Круглое Поле, 176 км т. п..
Пассажирларга хезмәтне уңайлы һәм экономияле РА-1 рельслы автобуслары күрсәтә. Күчмә состав куркынычсызлык системасы, һаваны зарарсызландыручы климат-контроль системасы белән җиһазландырылган. Автобуста санузеллар бар, вагоннар шулай ук мөмкинлекләре чикләнгән кешеләр өчен дә уңайлы.
Юл документын турыдан-туры рельс автобусында, шулай ук «РЖД Пассажирам» яки «Пригород» мобиль кушымталары ярдәмендә сатып алырга мөмкин. Барлык федераль һәм төбәк ташламалары да гамәлдә, шул исәптән мәктәп укучылары һәм студентлар өчен.
Барлык маршрутлар буенча тулырак мәгълүматны 8 (937) 625-04-33 телефоны аша (тәүлек буе), «Пригород» мобиль кушымтасында, кассаларда һәм тукталыш пунктларында урнаштырылган мәгълүмат стендларында алырга мөмкин.