Июньдә бәйрәм көннәрендә ГТЮда өстәмә 13 поезд йөриячәк

2021 елның 4 июне, җомга

10 июньнән 15 июньгә кадәр Федераль пассажир компаниясе (ФПК) өстәмә 13 поезд билгеләгән. Алар Горький тимер юлының иң кирәкле юнәлешләрендә йөриячәк.

Шулай итеп, Казан һәм Мәскәү арасында өстәмә өч поезд билгеләнгән - № 274/275, № 295/296, № 297/298.

Мәскәүне Ижевск белән 231/232, 293/294 номерлы поездлар, Чебоксар белән 218/217, 228/227 номерлы поездлар, Йошкар-Ола белән 226/225 нче номерлы поезд һәм Түбән Новгород белән 48/47, 235/236 нчы номерлы өстәмә поездлар бәйли.

Шулай ук өстәмә 238/211 нче номерлы поезд Киров һәм Мәскәү арасында, 9/10 нчы номерлы поезд Киров һәм Түбән Новгород арасында билгеләнгән.

523/524 нче өстәмә поезд Түбән Новгород һәм Санкт-Петербургны тоташтырачак.

Юл йөрү документларын ФПК АҖ билет кассаларында, РТЮ ААҖ сайтында «Пассажирларга» бүлегендә, үз-үзеңә хезмәт күрсәтү терминаллары һәм «РТЮ Пассажирлар» мобиль кушымтасы аша рәсмиләштерергә мөмкин.

Ерак араларга йөрүче поездлар расписаниесе турында тулырак мәгълүматны «РТЮ» ААҖнең бердәм мәгълүмат-сервис үзәгендә 8-800-775-00-00 телефоны буенча (шалтырату Россиянең барлык төбәкләреннән бушлай) һәм «РТЮ» ААҖ рәсми сайтында белергә мөмкин.

Фото: zt116.ru