Азнакай районында Азнакай - Югары Стәрле - Күктәкә автомобиль юлы буенча хәрәкәт вакытлыча ябыла

2021 елның 1 июне, сишәмбе

Азнакай муниципаль районында 1 июньнән 31 июльгә кадәр Азнакай - Югары Стәрле – Күктәкә автомобиль юлының 17,4 км дан 24,3 км га кадәр участогы транспорт хәрәкәте өчен вакытлыча ябыла. Бу чорда биредә юл полотносын төзекләндерү планлаштырылган.

Урап узу өчен төбәк әһәмиятендәге Туйкә – Митрофановка, Азнакай - Тымытык – Күктәкә автомобиль юллары тәкъдим ителә.

Тиешле юл билгеләре куелган юл хәрәкәтен оештыру схемасы ТР буенча ЮХИДИ белән килештерелгән.

Машина йөртүчеләрне әлеге чорга үз маршрутларын алдан планлаштыруларын сорыйбыз.