Июньдә «Содружество» пассажир компаниясенең шәһәр яны поездларына электрон билетлар сату өчтән бер өлешкә артты

9 июль 2020 ел., пәнҗешәмбе

Июнь аенда «Содружество» шәһәр яны компаниясе пассажирлары «Пригород» һәм «РЖД Пассажирам» мобиль кушымталарында билетларны ешрак сатып ала башладылар. Май ае белән чагыштырганда рәсмиләштерелгән электрон юл йөрү документлары саны 30% ка арткан һәм 26 000 тәшкил иткән.

Билетларны онлайн сатуның үсеше компаниянең барлык хезмәт күрсәтү полигонында күзәтелә. Бу - Татарстан Республикасы, Башкортстан, Удмуртия, Марий Эл, Чувашия, Мордовия, Киров һәм Свердловск өлкәләре, Пермь крае.

Шунысын да билгеләп үтәргә кирәк, «Пригород» мобиль кушымтасында билет сатып алганда пассажирларга 10% ташлама бирелә. Кушымталар AppStore һәм Google Play кушымталарының онлайн-кибетләрендә iOS һәм Android платформалары өчен ачык.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International