Фәрит Хәнифов юл хәрәкәте иминлеген тәэмин итү буенча ТР Хөкүмәт комиссиясе утырышында катнашты
Бүген ТР Хөкүмәте Йортында юл хәрәкәте иминлеген тәэмин итү буенча ТР Хөкүмәт комиссиясе утырышы узды. Аны Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе, юл хәрәкәте иминлеген тәэмин итү буенча Татарстан Республикасы Хөкүмәт комиссиясе рәисе урынбасары Шамил Гафаров үткәрде. Чарада ТР транспорт һәм юл хуҗалыгы министры Фәрит Хәнифов катнашты.
2025 елның шул ук чоры белән чагыштырганда республикада юл - транспорт һәлакәтләре саны 32 очракка кимегән, һәлак булучылар саны 17 кешегә арткан, 67 кешегә азрак җәрәхәтләр алган.
Татарстан Республикасы буенча Эчке эшләр министрлыгының Юл хәрәкәте иминлеге дәүләт инспекциясе идарәсе башлыгы вазыйфаларын вакытлыча башкаручы Айрат Сәмигуллин хәбәр иткәнчә, юл - транспорт һәлакәтендә кешеләр һәлак булуның төп сәбәпләре арасында - каршы бәрелешләр, җәяүлеләрне бәрдерү, каршылыкка бәрдерү һәм исерек хәлдә транспорт белән идарә итү.
Фәрит Хәнифов Татарстан Республикасы юлларында аварияләрне киметүгә юнәлдерелгән тәкъдимнәрне әйтте, шулай ук юл хәрәкәте иминлеген арттыру буенча инженерлык чараларын гамәлгә ашыру турында сөйләде.