Зур Казан боҗрасының 2 нче этабында 400 метр яңгыр сулары канализациясе торбалары сузылды
«Имин һәм сыйфатлы автомобиль юллары» илкүләм проекты буенча Борисковская урамыннан Техническая урамына кадәрге 1,222 км озынлыктагы участокта Зур Казан боҗрасының 2 этабы төзелеше дәвам итә.
Узган атнада Монастырь ермагы аша күпер төзелеше барышында 1 нче номерлы терәктә монолит насадка урнаштыру төгәлләнде. 1 һәм 3 номерлы терәк диварларны арматуралау, опалубканы монтажлау һәм бетонлау дәвам итә. 2 нче номерлы терәктә терәк баганаларын бетонлау һәм ростерк өчен нигез чокырының шпунт киртәләрен чыгару тәмамланган, вакытлыча керү юллары өчен юл плитәләре җәелгән. 1 һәм 2 номерлы терәкләр арасында басмалар һәм сул яктагы юлның аралык корылмасы һәм трамвай юлы формалашсын өчен формалаштыручы элементларны җыю башланды. 3 нче номерлы терәктә монолит багананы арматуралау һәм монтажлау дәвам итә.
Тәүлек буе җир эшләре алып барылган. 11460 куб м - бу 665 тоннага якын яраксыз грунт һәм чүп-чар чыгарылган, 4110 тонна инерт материаллары китерелгән. Чистарту корылмаларын төзү өчен шпунт киртәсе куелган. Борисковская урамыннан Горийская урамына кадәр җир катламын һәм түшәүче юл өслеген урнаштыру дәвам итә.
Төзелеш территориясендә инженерлык коммуникацияләрен җәю дәвам итә. Аерым алганда, 233 м су белән тәэмин итү торбалары, 400 м яңгыр канализациясе торбалары һәм 380 м дан артык газүткәргеч торбалары салынган.
Элемтә һәм электр белән тәэмин итү линияләрен үзгәртеп кору дәвам итә. Узган атнада 565 метр электрокабель һәм 205 метр элемтә кабеле сузылган.
Узган атнада 2 этап төзелешендә 160 инженер-техник персонал һәм 24 махсус техника берәмлеге эшләгән.
Исегезгә төшерәбез, икенче этап кысаларында проект белән коммуникацияләрне үзгәртеп кору, яңгыр канализациясен һәм чистарту корылмаларын, терәк диварларны, светофор объектларын, тышкы яктыртуны урнаштыру, трамвай юлларын төзү каралган. Монастырь ермагы аша 70,78 м озынлыкта һәм 51,34 м киңлегендә автомобиль хәрәкәтенең ике якка да өч полосасы һәм ике яклы хәрәкәт белән трамвай линияләре өчен күпер төзеләчәк.
700 м озынлыктагы төзелешнең беренче этабын 2020 елда тапшыру планлаштырыла, 522 м озынлыктагы икенче этапны - 2021 елда.