Татарстанда автомобиль юлларына бүлеп бирелгән полосалардан 380 тоннадан артык чүп-чар җыелды
Санитар-экологик икеайлык кысаларында Татарстанда федераль һәм төбәк юлларының юл буе полосаларын, якын-тирә территорияләрне һәм тимер юл вокзалларына бүлеп бирелгән полосаларны тиешле халәткә китерү буенча эшләр дәвам итә. Икеайлык башыннан бирле төбәк һәм федераль әһәмияттәге автомобиль юлларына бүлеп бирелгән полосалардан 6548 куб м - бу 380 тонна каты көнкүреш калдыклары җыелган. Көн саен юл буйларын санитар чистартуда 669 кеше һәм 193 махсус техника берәмлеге катнаша.
«РТЮ» ААҖ филиалы хезмәткәрләре Татарстан Республикасы чикләрендә Куйбышев тимер юлының Идел-Кама төбәге буенча тимер юл полосаларын һәм производство участокларының якын-тирә территорияләрен чистартуда катнаштылар. Санитар-экологик икеайлык башыннан бирле 37 тоннадан артык чүп-чар утильләштерүгә җибәрелгән, 6 санкцияләнмәгән чүплек ачыкланган һәм бетерелгән. Җыештырылган территориянең мәйданы 2 266 746 кв. м тәшкил иткән.
Горький тимер юлы Казан территориаль идарәсе полигонында урнашкан бүлекчәләрнең территорияләрен чистарту һәм төзекләндерү эшләрен оештырган. Чараларда 293 кеше катнашкан. 3 тоннадан артык каты коммуналь калдыклар чыгарылган, тимер юлга бүлеп бирелгән полосаның мәйданы 34 611 кв.м тәшкил иткән. Шулай ук икеайлык барышында 165 агач утыртылган.