ЯҢАЛЫКЛАР
23 июньнән "Урал авиалинияләре" авиакомпаниясе Казан - Екатеринбург һәм Екатеринбург-Казан юнәлешендә авиарейслар җибәрә башлый.
9 июньдә техник сәбәпләр аркасында Казан - Йошкар-Ола һәм Йошкар-Ола - Яранск шәһәрара поездларының расписаниесе үзгәрәчәк.
Бүген ТР транспорт һәм юл хуҗалыгы министры Фәрит Хәнифов «Радор» автомобиль юллары белән идарә итүнең территориаль органнары ассоциациясе Россия Директорлары Советы утырышында катнаша. Утырышта шулай ук Россия Федерациясе субъектларының автомобиль юллары белән идарә итүнең территориаль органнары җитәкчеләре дә бар.
12 июньдә Яр Чаллы - Бөгелмә - Чаллы һәм Ижау - Кез - Ижау маршрутларында өстәмә шәһәрара поездлар билгеләнә. 11 июньдә әлеге поездлар расписаниедән чыгарыла.
Габдулла Тукай исемендәге «Казан» халыкара аэропортының яңа партнёры Төркиянең Pegasus Airlines бюджет авиакомпаниясе 19 июньдә Истанбулга даими рейслар программасын башлап җибәрә.
2023 елның гыйнвар-май айларында Татарстан Республикасында «Россия тимер юллары» ААҖ челтәрендә йөк төяү 6,9 млн. тоннадан артык тәшкил итте, бу узган елның шул ук чорындагы күрсәткечтән 2,2 %ка югарырак.
Бүген «Татар-информ» мәгълүмат агентлыгы мәйданчыгында «Татарстан Республикасы Флоты» акционерлык җәмгыятен төзүгә багышланган матбугат конференциясе булып узды. Хәбәрчеләр белән очрашуда Татарстан Республикасы транспорт һәм юл хуҗалыгы министры Фәрит Хәнифов һәм «Татарстан Республикасы Флоты» АҖ генераль директоры Роман Лизалин чыгыш ясады.
7 һәм 10 июньдә техник сәбәпләр аркасында шәһәрарр Кизнер - Казан һәм Казан - Ижау поездларының расписаниесе үзгәрә. 6925 нче номерлы Кизнер – Казан поезды Кизнер станциясеннән 20.48 сәгатьтә (20 минутка соңрак) китәчәк. Алга таба үзгәрешләр барлык тукталыш пунктларына да кагылачак. Казан станциясенә поезд 22.45 сәгатьтә (20 минутка соңрак) килеп җитәчәк.
«Имин сыйфатлы юллар» милли проекты кысаларында Яр Чаллы - Сарман автомобиль юлы ремонтлана, бу Татарстан Республикасы Сарман муниципаль районында км 39,3 - км 42,3, км 29,8 – км 30,9, км 32,4 – км 33,8, км 42,3 - км 43,1 аралыклары.. Барлыгы дүрт участокның озынлыгы 6 чакрымнан артык. Әлеге чараларга төбәк бюджетыннан 188 млн сумнан артык акча бүлеп бирелгән.
Горький тимер юлларында 2023 елда тимер юлларны төзекләндерү кампаниясе башланганнан бирле 89 чакрым чамасы "бәрхет" юл салынды, поездларны бер тимер юлдан икенче тимер юлга күчерүче 26 ноктада уклар комплекты алыштырылды.