Татарстан Республикасында агымдагы елда «Тормыш өчен инфраструктура» илкүләм проекты кысаларында 19 светофор объектын модернизациялиләр. Әлеге эшләргә 122 млн сумнан артык акча бүлеп бирелгән, шуның 97 млн сумы РФ бюджетыннан. Акчалар Казан һәм Чаллы шәһәрләренә юл хәрәкәте белән идарә итүнең автоматлаштырылган системасы (АСУДД) өчен җиһазлар китерүгә һәм монтажлауга юнәлдереләчәк.

Бүген Казанда «Россия тимер юллары» ААҖнең хезмәт, ял һәм хатын-кызларга социаль ярдәм шартларын камилләштерү буенча VI Форумының пленар сессиясе узды. Чарада Татарстан Премьер-министры Алексей Песошин, ТР транспорт һәм юл хуҗалыгы министры Фәрит Хәнифов катнашты.

Ел башыннан Татарстан Республикасы буенча шәһәр яны тимер юл транспортында 3 млн 300 меңгә якын пассажир җибәрелгән. 2024 ел белән чагыштырганда арту 3% тәшкил итә.

Җәйге сезонда Горький тимер юлында ихтыяҗ арту чорына аерым даталарда 273/274 номерлы Казан-Мәскәү поездларының өстәмә рейслары билгеләнгән.