Татарстан Республикасы транспорт һәм юл хуҗалыгы министрлыгы хезмәткәрләре “Көзге игелек атналыгы”акциясе кысаларында Дәрвишләр бистәсендәге балалар интернат-йортында булып кайттылар
Татарстан Республикасы транспорт һәм юл хуҗалыгы министрлыгы коллективы “Көзге игелек атналыгы - мәрхәмәтле эшләр эстафетасы” #Мәрхәмәтлетатарстан иреклеләр акциясендә катнашуын дәвам итә.
Бүген министрлык хезмәткәрләре Дәрвишләр бистәсендәге балалар интернат-йортында булдылар. Алар үз бакчаларында үстерелгән яшелчәләр һәм җиләк-җимешләр алып килделәр. Шулай ук министрлык хезмәткәрләре интернат-йортта тәрбияләнүчеләргә йомшак уенчыклар, балалар китаплары, альбомнар һәм рәсем ясау өчен кәгазь, акварель буяулар, төсле карандашлар, ручкалар бүләк иттеләр.
Интернат-йортның директоры урынбасары Ленар Сөнгатуллин сүзләренчә, күрсәткән ярдәмгә һәм игътибарга монда һәрвакыт шат. Хәзер монда 4 яшьтән алып 18 яшькә кадәр 210 бала тәрбияләнә. Интернат җитәкчелеге балаларның ял сәгатьләрен төрлеләндерергә тырыша – алар өчен кызыксыну буенча түгәрәкләр оештырылган – тегү, рәсем ясау, бию буенча. Моннан тыш, балалар төрле фестивальләрдә актив катнашалар һәм хәтта лауреат исеменә дә лаек булалар.
Дәрвишләр бистәсендәге балалар йорты коллективына бары тик яхшылык кына телик!