Илдар Халиков: Югары тизлекле магистраль Россиянең киләчәк үсеше өчен кирәк

2015 елның 17 апреле, җомга
Югары тизлекле магистраль Россиянең киләчәк үсеше өчен кирәк. Бу хакта бүген Казанда “Мәскәү-Казан” югары тизлекле магистраленең төбәк мәгълүмат үзәген ачу тантанасында Татарстан Республикасы Премьер-министры Илдар Халиков белдерде. Бу чара “Казан-2” тимер юл вокзалында узды.

Ачылыш тантанасында шулай ук “Россия тимер юллары” ("РЖД”) ААҖ нең беренче вице-президенты Александр Мишарин, РФ транспорт министры урынбасары Алексей Цыденов, Кытай Халык Республикасы үсеше һәм реформалар буенча дәүләт комитеты җитәкчесе урынбасары Ху Цзуцай катнашты.

Илдар Халиков ачылыш тантанасында катнашучыларны сәламләп, бүген Югары тизлекле магистральнең Россиянең киләчәк үсеше өчен кирәклегенә беркемнең дә шиге калмаячак, дип ассызыклады. “Бу тимер юл татарстанлыларга, бизнес-секторга һәм бөтен Россия икътисадына кирәк”, - дип саный Илдар Халиков.

Илдар Халиков татарстанлылар исеменнән “Россия тимер юллары” компаниясе җитәкчелегенә “Мәскәү-Казан” югары тизлекле магистраленең төбәк мәгълүмат үзәген булдыруда ярдәм итүләре өчен рәхмәт белдерде. “Монда гражданнар проект турында кирәкле мәгълүматны алачак: бу юл каян уза, аның сыйфаты нинди, тимер юл төзелеше ничек булачак һ.б.”, - дип ассызыклады ТР Премьер-министры.

Илдар Халиков, киләчәктә бу юл “Мәскәү-Казан” дип түгел, ә “Мәскәү-Казан-Пекин” дип аталачыгына ышаныч белдерде. “Ышанам, озак көтелгән вакыйга мөмкин кадәр тизрәк башланыр, ә без аны мәгълүмат үзәге аша күзәтербез”,- диде ул.

Александр Мишарин Татарстан җитәкчелегенә “Мәскәү-Казан” югары тизлекле магистраленең төбәк мәгълүмат үзәге ачылышы тантанасын оештырган өчен рәхмәт белдерде. “Югары тизлекле магистральнең төбәкләр сәнәгатенә һәм икътисадына ничек тәэсир итүен, ә иң мөһиме, аның төзелеше кешеләрнең яшәү сыйфатына ничек йогынты ясавын аңлату зарур, - диде ул. – Бу максатларга ирешү өчен бездә махсус үзәк булу бик яхшы”.

Югары тизлекле магистраль Россия тарихында иң зур инвестицион проект булып тора, дип белдерде Алексей Цыденов. Ул шулай ук Татарстан җитәкчелегенең “Мәскәү-Казан” участогы төзелешенә зур ярдәм күрсәтүен асссызыклады.

Ху Цзуцай, бу проект Кытай белән Россия арасында, тимер юллар төзелеше өлкәсендә үзара мөнәсәбәтләрнең үсешенә ярдәм итәчәк, дип белдерде.

Алга таба Илдар Халиков һәм Александр Мишарин “Мәскәү-Казан” югары тизлекле магистраленең яңа мәгълүмат үзәге эшенә символик старт бирделәр.
ТР Президенты матбугат хезмәте.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр һәм гражданнарны кабул итү
Адрес: 420061, Казан шәһәре, Н.Ершов урамы, 31а
Телефон: +7 (843) 291-91-91
Факс: +7 (843) 291-90-08, 264-61-01
E-Mail: mindortrans@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International