Татарстан Республикасы Транспорт һәм юл хуҗалыгы министрлыгы

Татарстан апрельдә V яшьләр форумы үткәрә

2015 елның 10 феврале, сишәмбе

Татарстан Республикасы Яшьләр эшләре һәм спорт министрлыгы Татарстан Республикасы яшь галимнәр һәм белгечләрнең иҗтимагый хәрәкәте һәм “Татарстан Республикасының иҗади яшьләр академиясе" төбәк иҗтимагый оешмасы белән берлектә V Республика яшьләр форумы үткәрә.

V Форум кысаларында 10 тематик мәйдан эшләячәк: «Яшьләр фәне һәм инновацияләре», «Архитектура һәм шәһәр мохите», «Син эшмәкәр!», «Изгелек технологиясе», «Куркынычсызлык», «Кече Ватан», «Арт-квадрат», «Мәгълүмати ташкын», «Яшьләр коррупциягә каршы!», «Киләчәккә старт!».

Форумда 16-30 яшьләрдәге талант ияләре (35 яшькә кадәрле яшь галимнәр), балалар һәм яшьләр иҗтимагый оешмалары активы катнашырга мөмкин.

Яшьләрнең иң яхшы проектлары һәм идеяләре форумның йомгаклау өлешендә Татарстан Республикасы җитәкчелегенә тәкъдим ителәчәк һәм, киләчәктә профильле министрлык һәм ведомстволардан ярдәм алу өчен, йөкләмәләр исемлегенә кертеләчәк. Гаризалар 2015 елның 1 мартына кадәр forumtatarstan.ru электрон почта адресына кабул ителә.

Форум турында мәгълүмати материаллар http://forumtatarstan.ru/files/info.zip.сайтында урнаштырылган.

Өстәмә мәглүмат алу өчен телефон: 8 (843) 259-40-29.

Министрлыкның матбугат хезмәте.

БАРЛЫК ЯҢАЛЫКЛАРНЫ УКУ