Ленар Сафин: “2015 елда транспорт комплексы алдында, республикабыз үсешенә әһәмиятле йогынты ясаячак, бурычлар тора”

2015 елның 29 гыйнвары, пәнҗешәмбе
Бүген ТР Транспорт һәм юл хуҗалыгы министрлыгының “Татарстан Республикасы транспорт комплесының 2014 нче елгы эшчәнлегенә йомгак ясау һәм 2015 нче елга бурычлар билгеләү”гә багышланган киңәйтелгән коллегия утырышы узды. Коллегиядә ТР Премьер-министры Илдар Халиков һәм Федераль юл агентлыгы җитәкчесе Роман Старовойт катнашты.
Утырыш Татарстан Республикасы транспорт комплесының узган елгы эшчәнлегенең нәтиҗәләре турында фильм күрсәтү белән башланып китте. 2014 нче елда юл-транспорт комплексын гомуми финанслау күләме 37, 78 млрд сум тәшкил иткән. Республика бюджетыннан – 25,31 млрд сум, федераль бюджеттан – 11,61 млрд сум, 850 млн сум – муниципаль юл фондлары акчасы тотылган.
Татарстанда шәһәр яны су транспортында Идел һәм Кама елгаларында 8 маршрут буенча пассажирларга хезмәт күрсәтелә. 2014 елгы навигациядә 360 мең пассажирга хезмәт күрсәтелгән, бу 2013 ел күрсәткечләреннән 14% артыграк.
Татарстан Республикасы территориясендә тимер юл транспорты белән шәһәр яны юнәлешләрендә 6 млн 800 мең пассажир файдаланган.
3 августта Казанда «Юдино-1» һәм «Юдино-2» тимер юл вокзалларының яңа биналары ачылган.
2014 елда республика аэропортларында 2 млн 400 мең пассажирга хезмәт күрсәтелгән, бу 2013 ел күрсәткечләреннән 7% артыграк.
2014 елда М-7 “Идел” автомобиль юлын реконструкцияләү дәвам ителгән. 24 октябрьдә Мамадыш районында бер елга графиктан алда М-7 “Идел” автомобиль юлының 32 чакрым озынлыктагы бер өлеше ачылган.  
Ел барышында 235 чакрымнан артык төбәк автомобиль юллары төзелгән һәм 182 чакрым ремонтланган.
Казанда 2014 елга планлаштырылган ишеалларны капиталь ремонтлау тулысынча башкарылган, 94 ишегалды юллары тәртипкә китерелгән.
Агымдагы елга төп бурычларны ТР транспорт һәм юл хуҗалыгы министры Ленар Сафин хәбәр итте. 2015 нче елда “Казан” аэропортында 2 млн нан артык пассажирга хезмәт күрсәтү планлаштырыла. “Якын арада “Татнефть” ААҖ ярдәме белән яңа компания барлыкка киләчәк. Ул төбәкара пассажирлар ташуга йөз тотачак. Бүгенге көндә безнең төп бурыч – мөмкин кадәр кыска вакыт эчендә яңа компанияне теркәп, аның эшчәнлегенә Росавиациядән рөхсәт документларын алу”, - дип билгеләп узды министр. Аның сүзләренә караганда, яңа ширкәт 2015 нче елның икенче кварталыннан эшчәнлеген башлап җибәрәчәк, әлегә бу эшне “Оренбуржье” һәм Dexter авиакомпанияләре башкарачак.
Министр докладында пассажирларны ташуда төбәк юнәлешләрен үстерү күздә тотылганын билгеләп узды. Аның сүзләреннән аңлашылганча, хәзерге вакытта Россия авиакомпанияләре белән сөйләшүләр алып барыла. Җәйге чордан Казан – Екатеринбург – Красноярск, Казан – Екатеринбург/Омск – Иркутск кебек юнәлешләр гамәлгә кертеләчәк. Санкт-Петербургка рейслар ешлыгының артуы көтелә. Ленар Сафин берничә авиакомпаниянең Краснодар краена һәм Кырым Республикасына курортларга даими рейслар ачарга теләге булуын әйтте. Ул быел, Идел буе федераль округында пассажирларны ташуда төбәкара юнәлешләргә кагылышлы программа кысаларында, Татарстан Республикасы бюджетыннан 56 млн сум күләмендә субсидия каралганын хәбәр итте.
Ленар Сафин пассажирлар ташуда халыкара рейслар үсеше мәсьәләсенә тукталып, гамәлдәге халыкара маршрут челтәренең сакланып калынуы, яңа авиакомпанияләрне җәлеп итү, сыгылмалы тариф сәясәтен куллану кебек бурычлар күздә тотылганын белдерде.
Ленар Сафин докладында Спортның су төрләре буенча Дөнья чемпионаты-2015 тә транспорт хезмәте күрсәтү буенча башкарылачак эшләр турында да сөйләде.
 “2015 елда транспорт комплексы алдында, республикабыз үсешенә әһәмиятле йогынты ясаячак, бурычлар тора”, - дип чыгышын төгәлләде Ленар Сафин.
Министрлыкның матбугат хезмәте.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр һәм гражданнарны кабул итү
Адрес: 420061, Казан шәһәре, Н.Ершов урамы, 31а
Телефон: +7 (843) 291-91-91
Факс: +7 (843) 291-90-08, 264-61-01
E-Mail: mindortrans@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International