Үткән тәүлеккә Татарстан Республикасында транспорт комплексының хәле турында мәгълүмати хәбәр

Татарстан буенча муниципальара маршрутларга мониторинг системасында 230 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә әлеге автобуслар 5 тапкыр тизлек режимын бозганнар. Маршруттан тайпылуның 27 очрагы һәм контроль ноктага соңга калуның 89 очрагы теркәлгән.

Республика юлларында 434 берәмлек юл техникасы эшләгән.

Казан аэропортыннан 66 рейс башкарылган, шул исәптә 2 чартер, 14 халыкара рейслар.

“Ак Барс Аэро” авиакомпаниясе 39 рейс башкарган, шул исәптә 3-се тоткарлану белән.

22 нче декабрьдә республикада болытлы һава көтелә, көндез күп кенә районнарда кар явачак, кайбер районнарда буран, бозлавык. Көньяктан, көньяк-көнбатыштан талгын җил. Температура 0 -5 гр. Юлларда бозлавык.