Илдар Халиков: "2017 ел азагына 125 меңнән артык халкы булган Татарстанның барлык торак пунктлары керү юллары белән тәэмин ителергә тиеш"

2014 елның 22 октябре, чәршәмбе
Бүген Казанда “ДорТрансЭкспо” 14 нче махсуслаштырылган күргәзмә ачылды. Күргәзмә эшендә 56 компания катнашты, аларның 29 – Казаннан, 4 – Татарстан Республикасыннан. Катнашучылар арасында - Мәскәү, Санкт-Петербург, Самара, Рязань, Түбән Новгород, Иваново, Ульян, Уфа, Чиләбе шәһәрләре, Казахстан һәм Германия илләре оешмалары.
“ДорТрансЭкспо” күргәзмәсен рәсми ачуда Татарстан Премьер-министры Илдар Халиков катнашты. “Күргәзмәнең иң яхшы продукты” бәйгесенең нәтиҗәләре чыгарылды һәм җиңүчеләргә Гран-При дипломнары тапшырылды.
Күргәзмә кысаларында ТР Транспорт һәм юл хуҗалыгы министрлыгы коллегиясенең киңәйтелгән утырышы булып узды. Коллегия утырышын ачып, Илдар Халиков, беренче чиратта, юл хуҗалыгы тармагы хезмәткәрләрен һөнәри бәйрәмнәре белән котлады. Республиканың юл тармагы каршына куйган йөкләмәләр арасында, 2017 ел азагына 125 меңнән артык халкы булган барлык торак пунктларын керү юллары белән тәэмин итү кирәклеген ассызыклады Илдар Халиков.
Төп доклад белән Татарстанның транспорт һәм юл хуҗалыгы министры Ленар Сафин чыгыш ясады. Ул хәбәр иткәнчә, 2014 елның 9 аенда республикада 235 км дан артык яңа юллар төзелгән һәм 182 км юл ремонтланган. Быел 60 торак пунктны каты өслекле юл белән тәэмин ителгән.
Ленар Сафин сүзләренчә, шушы араларда Татарстан Росавиация белән “Бигеш” аэропортын реконструкцияләү турында килешү имзалауны планлаштыра. Министр, шулай ук, Татарстанда елга һәм тимер юл транспорты үсеше һәм бу өлкәләрдәге берничә перспективалы проект турында сөйләде.
Коллегиядә Татарстан Республикасы Премьер-министры Илдар Халиков һәм Татарстан Республикасы транспорт һәм юл хуҗалыгы министры Ленар Сафин транспорт комплексының иң яхшы вәкилләренә хөкүмәт һәм ведомство бүләкләре тапшырдылар.
Министрлыкның матбугат хезмәте.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Мөрәҗәгатьләр һәм гражданнарны кабул итү
Адрес: 420061, Казан шәһәре, Н.Ершов урамы, 31а
Телефон: +7 (843) 291-91-91
Факс: +7 (843) 291-90-08, 264-61-01
E-Mail: mindortrans@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International