Татарстан Республикасы Транспорт һәм юл хуҗалыгы министрлыгы

19 нчы октябрь - Юл хуҗалыгы хезмәткәрләре көне

2014 елның 18 октябре, шимбә

Татарстан Республикасы Транспорт һәм юл хуҗалыгы министры Ленар Сафин һөнәри бәйрәм алдыннан юл хуҗалыгы тармагы хезмәткәрләрен котлады:

Хөрмәтле юл хуҗалыгы тармагы хезмәткәрләре һәм ветераннары!

Сезне ихлас күңелдән һөнәри бәйрәм белән котлыйм!

Үзебезнең бәйрәмне уңышлар белән каршы алабыз. Республикада федераль әһәмияткә ия булган М-7 “Идел” автомобиль юлын төзекләндерү дәвам ителде. 2014 елда төзекләндерелгән юлның гомуми озынлыгы 32 чакрым тәшкил итә. Без төбәк әһәмиятендәге 235 чакрымнан артык юл төзедек һәм 182 чакрым төзекләндердек. Авыл юлларын төзүне актив дәвам итәбез. Быел 60 артык торак пункт каты өслекле юллар белән тоташтырылды. Шулай ук авыллар һәм шәһәрләрнең урам-юл челтәрен норматив хәлгә китерү буенча эшләр башкарылды.

Хәзерге вакытта республика территориясендә эре инфраструктура проектлары тормышка ашырыла. Алар арасында “Свияжск төбәкара мультимодаль логистика үзәге төзелеше”, "Европа-Көнбатыш Кытай" коридорын төзү кысаларында "Шәле (М-7) – Баулы (М-5)" түләүле автомагистраль төзелеше" проектлары. Иннополисны транспорт белән тәэмин итү өчен М-7 “Идел” - Введенская Слобода һәм М-7 “Идел” автомобиль юлыннан керүче ике автомобиль юлын төзү дәвам ителә.

Безнең барлык казанышларыбыз - тармак ветераннарының, хезмәткәрләренең, юл төзелеше оешмалары җитәкчеләренең югары профессиональлеге нәтиҗәсе. Сезнең һәрберегезнең хезмәте бик мөһим, һәм безгә барыбызга бергәләп Татарстанны юллар төзү һәм эксплуатацияләү буенча яңа дәрәҗәгә чыгарырга кирәк! Юлларның торышыннан йөртүчеләрнең һәм пассажирларның гомерләре бәйле. Трассаларны елның төрле фасылында яхшы хәлдә тоту юл хуҗалыгы эшчеләренең бурычы.

Кадерле коллегалар, һөнәрегезгә тугры булуыгызга, үз эшегезгә җаваплы караганыгыз өчен рәхмәт сезгә. Әйдәгез алдыбызга югары максатлар куеп аларга ирешик. Безнең юллар заманча һәм ышанычлы булырга тиеш!

Сезгә һәм якыннарыгызга сәламәтлек, тотрыклылык, уңышлар һәм гөрләп алга баруыгызны телим!

Министрлыкның матбугат хезмәте.

БАРЛЫК ЯҢАЛЫКЛАРНЫ УКУ